Úkimet • 06 Sáýir, 2017

Yntymaqtastyq jaıy talqylandy

160 ret

kórsetildi

1 mın

oqý úshin

Premer-Mınıstrdiń birinshi orynbasary Asqar Mamın Joǵary Eýrazııalyq ekonomıkalyq keńestiń (JEEK) osy aıda Bishkekte bolatyn otyrysyna daıyndyq aıasynda Eýrazııalyq ekonomıkalyq komıssııa Keńesiniń (EEK) beınekonferensııa rejiminde ótken otyrysyna qatysty, dep habarlady Premer-Mınıstrdiń baspasóz qyzmeti.

Egemen Qazaqstan

Keńes músheleri EýrAzEK-tiń Keden kodeksin tıimdi júzege asyrý maqsatynda JEEK otyrysynda qarastyrý úshin kedendik ákimshilendirý salasynda birqatar aktilerdi bekitý boıynsha Komıssııa alqasy men keńesi arasyndaǵy ókilettikterdi bólýge qatysty EEK jumysynyń reglamentine túzetýler engizýdi maquldady.

Memleket basshylarynyń qaraýyna engizý úshin Eýrazııalyq ekonomıkalyq keńeske múshe memleketterdiń 2017-2018 jyldarǵa arnalǵan makroekonomıkalyq saıasatynyń negizgi baǵdarlary maquldandy. Onda EýrAzEK-ke múshe memleketterdiń ekonomıkalyq damýynyń tıimdiligin arttyrý úshin usynystar engizilgen.

EEK Keńesiniń músheleri birqatar halyqaralyq yntymaqtastyq máselelerin talqylady. Negizinen, Iran Islam Respýblıkasymen erkin saýda aımaǵyn qurýǵa baǵyttalǵan konsýltasııalar ótkizilip, «Keden odaǵy komıssııasynyń keıbir sheshimderine ózgerister engizý týraly» qarastyrdy.

EEK otyrysynda Eýrazııalyq ekonomıkalyq odaqty ári qaraı damytýǵa baǵyttalǵan barlyq máseleler boıynsha ózara tıimdi sheshimderge qol jetkizildi.