Foto: Kaspi.kz
Jarııalanymdaǵy málimet boıynsha, 2026 jyldyń 31 naýryzynan bastap Kaspi Gold kartasynyń jyldyq qyzmet kórsetý quny – 10 000 teńge, kartany qaıta shyǵarý 10 000 teńge kóleminde aqyly qyzmetke aınalady, ózge bankterdiń kartalaryna jasalǵan aýdarymdar úshin 5% (keminde 200 teńge) komıssııa ustalady, al qolma-qol aqsha sheship alý komıssııasy 5%-ǵa deıin ósetini jazylǵan.
Bankter týraly jańa zańǵa baılanysty depozıtterge kepildik berýde ne ózgeredi?
Sonymen qatar Kaspi Pay shottaryn ashý jáne aı saıyn qyzmet kórsetý aqysy 15 000 teńge bolyp, al ózin-ózi jumyspen qamtyǵandar úshin 300 000 teńgeden asatyn operasııalarǵa qosymsha 5% kóleminde komıssııa engiziletini habarlanǵan.
Dese de kompanııa ókilderi taraǵan aqparattyń shyndyqqa saı kelmeıtinin, jańa tarıfter engizilmeıtinin málimdedi.
Barlyq satylym úshin keshbek: Qaı bankter jomarttyq tanytady?
«Klıentter men seriktesterimiz úshin tarıfter men qyzmet kórsetý sharttary ózgerissiz qalady. Internette Kaspi.kz tarıfteri men Kaspi Gold kartasynyń jyldyq qyzmet kórsetýi men qaıta shyǵarylý quny, Kaspi Pay sharttary jáne ózge bankterdiń kartalaryna aýdarym komıssııasy ózgeredi degen aqparat tarady. Buǵan jańartylǵan zańdyq qujattyń qate túsindiriliýi sebep boldy. Qandaı da bir ózgerister bolyp jatsa, biz bul týraly árdaıym aldyn ala ári ashyq túrde habarlaımyz», delingen kompanııa málimdemesinde.
Kaspi.kz ókilderi tarıfter men qyzmet kórsetý erejelerindegi barlyq ózgeris tek banktiń resmı saıtynda jáne qosymshasynda jarııalanatynyn eskertip otyr.
