Foto: Qazaqstan kınologtar odaǵy
Monotuqymdyq kórme tuqymdyq kýáligi bar ıtter arasynda ótkizilip, joǵary tuqymdyq ataqtar men marapattar úshin baq synasty. Kórmege barlyǵy 40 tazy tirkeldi.
Uıymdastyrýshylardyń aıtýynsha, mundaı is-sharalar qazaqy tazynyń genetıkalyq qoryn saqtaýǵa, tuqym sapasyn arttyrýǵa jáne ulttyq murany dáripteýge yqpal etedi.
«Qazaq tazysy men tóbet kúni»: Qazaqstanda jańa mereke paıda boldy
Kórme qorytyndysy boıynsha tuqymnyń úzdik ókilderi anyqtaldy. Solardyń ishinde úzdik tuqym ókili sanalǵan DASTER tazysy 3-7 maýsym aralyǵynda Italııanyń Bolonıa qalasynda ótetin Álem chempıonatyna qatysady.
«Mundaı is-sharalardyń erekshe mańyzy bar. Olar praktıkalyq asyldandyrý jumysyn jáne kórmelik baǵalaýdy biriktiredi. Tuqymdyq baıqaý standartq sáıkes keletin ıtterdi anyqtap, esepke qoıýǵa múmkindik berse, monotuqymdyq kórme tuqymnyń úzdik ókilderin kórsetýge, ıt qorynyń deńgeıin salystyrýǵa jáne jaýapty ósirý mádenıetin qoldaýǵa jaǵdaı jasaıdy» delingen Qazaqstan kınologtar odaǵynyń habarlamasynda.
Eske sala keteıik, buǵan deıin dál osyndaı baıqaý Merkide ótken bolatyn.
