Foto: Jetisý oblysy ákimdigi
Jergilikti mańyzy bar qorǵalatyn nysandar tizimine engizilgen «Tasbaqa» ekoparkiniń aýmaǵy 38 gektar bolsa, «Cherkasaı» ekoparkiniń aýmaǵy 21 gektar bolmaq, sol sııaqty «Qoıtas» parki eko-park mártebesin ıelenedi.
Oblystyq týrızm basqarmasynyń basshysy Sáken Túkibaevtiń aıtýynsha, bul 3 ekoparkter óńirdegi ekolgııalyq jáne mádenı-tanymdyq týrızmdi damytýǵa tyń serpin beredi.
«Taldyqorǵannan úsh shaqyrym jerde ornalasqan «Tasbaqa» ekoparki qonaqtardyń birkúndik jáne demalys kezindegi tynyǵýyna qolaıly bolmaq. Onda sholý alańy, avtoturaq jasalyp, besedkalar, sanıtarlyq toraptar, oryndyqtar, qoqys konteınerleri qoıylady. Al Tekeli qalasy mańyndaǵy «Cherkasaı» ekoparki otbasylyq ári belsendi demalys úshin qolaıly bolady. «Qoıtas» ekoparkine kelsek, ol Sarqan qalasynyń ishinde ornalasqan. Onyń bir ereksheligi – tabıǵı landshafty saqtalǵan, onda «Jońǵar Alataýy» memlekettik ulttyq tabıǵı parkinde ósetin aǵashtar otyrǵyzylyp, parkti mekendeıtin janýarlardyń músinderi ornatylǵan, jalpy ulttyq parktiń florasy men faýnasynan keńinen habar beredi», dedi Sáken Túkibaev.
