Foto: Ersaıyn Naǵaspaev. Úkimet, telegram
О́nerkásip jáne qurylys
О́nerkásip jáne qurylys mınıstri Ersaıyn Naǵaspaev otandyq óndiristi qoldaý, arnaıy ekonomıkalyq aımaqtardy (AEA) jańǵyrtý jáne geologııalyq barlaýdy kúsheıtý baǵytyndaǵy jumystarǵa toqtaldy. Búginde otandyq taýar óndirýshiler tiziliminde 5,6 myń kompanııa tirkelgen.
Mınıstrdiń aıtýynsha, AEA qyzmeti kezeń-kezeńimen transformasııalanady. Qazirgi tańda arnaıy ekonomıkalyq aımaqtarda óńdeý ónerkásibi boıynsha jalpy quny 4,4 trln teńgeni quraıtyn 555 joba iske asyrylyp, 33 myńnan astam turaqty jumys orny ashylǵan. Tereń óńdeý salasynda shıkizat eksportyn retteý jáne joǵary qosylǵan quny bar ónim óndirýdi yntalandyrý sharalary kózdelip otyr. Sonymen qatar mańyzdy mıneraldar salasyn damytý strategııasy ázirlenip jatyr. Geologııalyq barlaý baǵytynda aldaǵy 3 jylda qarjylandyrý kólemin sońǵy 30 jylda tartylǵan ınvestısııa deńgeıine jetkizý josparlanǵan.
Aýyl sharýashylyǵy
Aýyl sharýashylyǵy mınıstri Aıdarbek Saparov agroónerkásip keshenin damytýdyń jańa kezeńi bastalatynyn aıtty. Negizgi nazar 2026-2030 jyldarǵa arnalǵan mal sharýashylyǵyn damytý jónindegi keshendi jospardy iske asyrýǵa jáne salany jeńildetilgen qarjylandyrý sheńberin keńeıtýge aýdarylady. Veterınarııalyq qaýipsizdikti kúsheıtý, qadaǵalaýdyń sıfrlyq quraldaryn engizý mindetteri de aıqyndalǵan.
Qaıta óńdeý jáne tamaq ónerkásibinde 2026 jyldan bastap ınvestısııalyq sýbsıdııalar ulǵaıtylyp, qosylǵan qun salyǵy tómendetiledi. Shıkizatty qaıta óńdeý jáne tereń óńdeý baǵytyndaǵy jańa jobalarǵa qosymsha yntalandyrý tetikteri qarastyrylǵan.
Oljas Bektenov: Úkimet «shynaıy muqtaj adamdarǵa ǵana kómek» qaǵıdatyn qatań ustanady
Oqý-aǵartý
Oqý-aǵartý mınıstri Juldyz Súleımenova bilim berý salasyn qarjylandyrý tetikterin jetildirý jónindegi usynystaryn tanystyrdy. Prezıdent tapsyrmasyna sáıkes, jekemenshik mektepterdi qarjylandyrý óńirlik qajettilikke saı basym jobalarǵa baǵyttalady ári olardyń memlekettik standarttarǵa sáıkestigin baqylaý kúsheıtiledi.
Mektepke deıingi uıymdardy vaýcherlik qarjylandyrý tetigi oń nátıje bergen. 2025 jyldyń qorytyndysy boıynsha 25,7 mlrd teńge únemdelgen. Bul júıeni kezeń-kezeńimen keńeıtý josparlanyp otyr.
Eńbek jáne halyqty áleýmettik qorǵaý
Eńbek jáne halyqty áleýmettik qorǵaý mınıstri Asqarbek Ertaev áleýmettik qoldaý júıesin sıfrlandyrý barysyna toqtaldy. Qazirgi ýaqytta Biryńǵaı sıfrlyq áleýmettik qorǵaý platformasy negizinde qoldaý sharalaryn proaktıvti formatqa kóshirýge daıyndyq júrgizilip jatyr.
Sonymen birge eńbek naryǵyn jańǵyrtý mindeti qoıylǵan. Memlekettik-jekeshelik áriptestik modeli aıasynda Ulttyq mamandyqtar transformasııasy ortalyǵyn qurý josparlanyp otyr. Onyń sheńberinde suranysqa ıe kásipter boıynsha qaıta daıarlaý jáne oqytý baǵdarlamalary iske qosylady, oqýshylardyń kásiptik dıagnostıkasy keńeıtiledi.
Úkimet Prezıdent tapsyrmalaryn júzege asyrýǵa kiristi
Densaýlyq saqtaý
Densaýlyq saqtaý mınıstri Aqmaral Álnazarova Biryńǵaı memlekettik medısınalyq aqparattyq júıe qurylǵanyn habarlady. Bul júıe salanyń IT sheshimderin biriktirip, úderisterdiń ashyqtyǵyn qamtamasyz etýge tıis. Biryńǵaı memlekettik medısınalyq aqparattyq júıe men densaýlyq saqtaý portalyn iske qosý 2026 jyldyń 1 jeltoqsanyna josparlanǵan.
Ambýlatorııalyq dári-dármekpen qamtamasyz etý baǵytynda «Áleýmettik ámııan» tetigi damyp jatyr. 2025 jyly osy júıe arqyly 13,8 mln-nan astam resept berilip, bul jalpy kólemniń 82 paıyzyn quraǵan.
Kólik
Kólik vıse-mınıstri Maqsat Qalıaqparov tranzıttik áleýetti arttyrý jáne sıfrlandyrý sharalaryn baıandady. 2026 jyly tranzıt kólemin 55 mln tonnaǵa deıin jetkizý kózdelgen, bul – 65 paıyzdyq ósim. Birqatar iri ınfraqurylymdyq joba aıaqtalady. Reseı jáne Qytaımen shekaralyq ınfraqurylymdy úılestirý jumystary júrgizilip jatyr. «QTJ» jol kartasy men jańa tarıftik saıasat bekitilgen.
Avtojol salasynda Qyzylorda, Saryaǵash, Rýdnyı qalalarynda 3 aınalma joldyń qurylysy bastalady. 33 ótkizý pýnkti jańǵyrtylyp jatyr. Jasandy ıntellekt sheshimderin engizý aıasynda Smart Cargo platformasyn memlekettik jáne salalyq servıstermen yqpaldastyrý jalǵasady. 2027 jylǵa deıin Birtutas ıntellektýaldy kólik ekojúıesin qalyptastyrý josparlanǵan.
Prezıdent Qasym-Jomart Toqaevtyń Úkimettiń keńeıtilgen otyrysynda sóılegen sózi
