QR Bilim jáne ǵylym mınıstrligi men Halyqaralyq qaıta qurý jáne damý bankiniń qoldaýymen iske asyrylyp otyrǵan «Jastar korpýsyn damytý» jobasynyń júzege asyrylýy týraly búgin О́ńirlik kommýnıkasııalar qyzmetinde oblys ákiminiń orynbasary Ulasbek Sádibekov, Úılestirý agenttiginiń basshysy Vera Kım men úılestirý agenttiginiń resmı ókili Maksım Rojın baıandady, dep habarlaıdy OQO ákimdiginiń baspasóz qyzmeti.
Jastar sany boıynsha kósh bastaıtyn Ońtústik Qazaqstan oblysynyń jastary úshin úlken qoldaý ekenin aıtqan oblys ákiminiń orynbasary U.Sádibekov atalǵan joba Qazaqstannyń 4 óńirinde, ıaǵnı, Ońtústik Qazaqstan, Almaty, Pavlodar jáne Qaraǵandy oblystarynyń aýmaqtarynda 2 jyldyq pılottyq joba aıasynda júrgiziletin jetkizdi.
Sonymen qatar, ol oblysta jobanyń kordınatory bolyp «Aýyl jastary Odaǵy» korporatıvtik qorynyń ókili Sabıra Baızaqova bekitilgenin jáne oblystyq «Jastar resýrstyq ortalyǵynan» arnaıy bólme bólinip, qajetti materıaldarmen tolyq jabdyqtalǵanyn atap ótti.
Sondaı-aq, brıfıngte sóz alǵan Úılestirý agenttiginiń basshysy Vera Kım Dúnıejúzilik bank Jastar korpýsyn damytý jobasyn qarjylandyrý úshin 20 mln. AQSh dollary kóleminde grant bóletinin málim etti.
Onyń aıtýynsha, jobanyń maqsaty - jastardy áleýmettendirý, ásirese az qamtylǵan halyq tobyn qoǵamdyq paıdaly isterge jumyldyra otyryp, yntalandyrý. «Joba Qazaqstanda alǵash ret iske asyrylýda. Elimizdiń jastary úsh-bes adamnan toptasyp, áleýmettik joba ázirlep, ony konkýrstyq komıssııaǵa usyný qajet.
Júrgizilgen irikteýdiń qorytyndysy boıynsha jastar bes aılyq kýrstarǵa jiberiledi. Jastarǵa jumysty nemes oqýdy tastaý qajet emes. Keshki altyǵa deıingi segiz saǵattyq jumys kúni bolsa da, olar demalys kúnderi jáne keshki ýaqytta bilim ala alady. Kýrs sońynda áleýmettik jobalardy odan ári damytý úshin granttar beriledi. Eń joǵary grant somasy - 1000 000 teńge», - dedi Vera Kım.
О́z kezeginde sóz alǵan úılestirý agenttiginiń resmı ókili Maksım Rojın atalǵan pılottyq jobaǵa osy jyly 4 oblystan 3 000 adamdy qamtý, al, iske asyrylýdyń úsh jyly ishinde 8 500 shamasynda azamat qatysatyny josparlanyp otyrǵanyn aıtty. Sondaı-aq, ol jobaǵa 18-den 29 jasqa deıingi jas qatysa alatynyn málim etti.
Aıta keteıik, 2017 jylǵy sáýirden bastap jobaǵa qatysý úshin ótinim usynýǵa, sondaı-aq ótinim usynýdyń sharttarymen jáne rásimderimen tolyǵyraq zhasproject.kz aqparattyq portalynan tanysýǵa bolady. Sonymen qosa, aqparatty +7(7172)50-07-71 telefony boıynsha nemese press@zhasproject.kz elektrondyq poshtasyna jazý arqyly alýǵa bolady.
