1. Otandasymyz «Úlken dýlyǵa» sanatyndaǵy týrnırde ekinshi márte top jardy. Alǵash ret Elena osydan tórt jyl buryn Londonda dástúrli túrde uıymdastyrylyp turatyn «Ýımbldon» dodasynda aldyna jan salmady.
2. Kúni búgingi deıin kortta júrgen úsh tennısshige ǵana «Úlken dýylǵanyń» eki birdeı tósenishinde – shóp pen harda bas júldeni ıelený baqyty buıyrdy. Olar – Vınýs Ýılıams, Iga Svıontek jáne Elena Rybakına.
3. Qazirgi kezde óner kórsetip júrgender arasynan «Ýımbldon» men Aýstralııanyń ashyq birinshiliginiń ekeýinde de jeńiske jetken jalǵyz oıynshy bar. Ol – Rybakına.
4. Sońǵy segiz jylda WTA-nyń qorytyndy týrnıri men «Australian Open» dodasyn qatar utqan tek Elena. 2017 men 2018 jyldary dál sondaı tabysqa danııalyq Karolına Voznıaskı qol jetkizgen edi.
5. Melbýrnde Rybakına óziniń 12 tıtýlyn oljalady. Osyǵan deıin ol «Úlken dýylǵa», WTA 1000 men WTA 250 jarystarynda 2 ret, WTA-nyń qorytyndy týrnırinde 1 márte jáne WTA 500 básekesinde 5 ret teńdessiz dep tanyldy.
6. Otandasymyz WTA týrnırleriniń fınalynda qatarynan besinshi ret jeńiske jetti. Bul sátti serııa 2024 jyldyń sáýir aıynda Germanııanyń Shtatgart qalasynda bastalǵan edi. Jalpy fınalda ol 12 ret basymdyq tanytyp, 11 ret ese jiberdi.
7. Rybakınanyń álemniń birinshi jáne ekinshi raketkalarymen túrli jarystarda joldary jıi qıysyp júr. Iga Sventekpen 12 ret kezdesip, ázirge teń esep saqtalýda – 6:6. Al Arına Sobolenkonyń bizdiń qyzdan bir jeńisi artyq – 7:8.
8. Sobolenko men Shventek álemniń birinshi raketkalary atanyp otyrǵan tusta da jerlesimiz olardy kóbine-kóp utty. Ol kezdegi esep – 9:4.
9. Joǵaryda esimderi atalǵan Belarýs pen Polsha tennısshileri WTA reıtınginde kósh bastap turǵan tusta olardyń ekeýi tek Rybakına ǵana utty.
10. 2023 jyldan beri Arına Sobolenkonyń jasyl qurlyqtaǵy jarysta tek Elena Rybakınadan ǵana eki ret utyldy.
11. Álemniń birinshi raketkalarymen joly 15 ret qıysqan jerlesimiz sonyń toǵyzynda jeńis toıyn toılady.
12. Jer jahannyń eń úzdik oıynshylarymen ótken kezdesýlerdegi Elenanyń jeńis koeffısenti 60 paıyzdy quraıdy. Bul – WTA tarıhyndaǵy eń úzdik kórsetkish!
13. Sońǵy 17 jyl aralyǵynda «Úlken dýlyǵanyń» bir týrnırde álemniń birinshi jáne ekinshi raketkalaryn qatarynan utqan eki oıynshy ǵana boldy. Solardyń biri – Rybakına.
14. «Australian Open» jarysynda WTA reıtınginde kósh bastap turǵan qos myqtyny utý baqyty tórtkúl dúnıeniń tórt tennısshisine ǵana buıyrdy. Solardyń qatarynda Elena da bar.
15. Búgingi tańda teńdessiz dep tanylyp otyrǵan tennısshılerdi otandasymyz WTA deńgeıindegi dodalarda úsh rettten asa utty. Ondaı nátıjege tek tórt tennısshi ǵana qol jetkize alǵan.
16. Ol TOP-10-dyqtyń qatarynda júrgen úzdikterdi qatarynan 10 kezdesýde utty.
17. Rybakına TOP týrnırlerdegi sońǵy 21 kezdesýdiń 20-synda jeńiske jetti.
18. Byltyr ótken «Ýımbldonnan» keıin ol 45 ret kortqa shyǵyp, 38 qarsylasyn qapy qaldyrdy. Bul – sol merzim aralyǵyndańy eń jaqsy kórsetkish!
19. Bıylǵy maýsymda Elena eıs jasaý jaǵynan jeke-dara kósh bastap tur. Onyń qańyrata soqqan soqqylary 69 márte dittegen jerine dóp tústi. Sol eısterdiń 47-si Aýstaralııanyń ashyq birinshiliginiń enshisinde.
20. Melbýrndegi jarqyn jeńisiniń arqasynda Elena Rybakına qaıta TOP-3 tennısshiniń qataryna qosyldy. Sonymen qatar ol ekinshi orynda turǵan oıynshydan upaı sanyn 368-ge deıin qysqartty.
