Taıaý Shyǵystaǵy qaqtyǵys: 500-ge jýyq qazaqstandyq elge oralady

0 ret

kórsetildi

1 mın

oqý úshin

Qazaqstan Respýblıkasynyń Syrtqy ister mınıstrligi quzyrly organdarmen birlesip, qaqtyǵys órshigen aımaqtan azamattardy evakýasııalaý sharalaryn uıymdastyrdy. Jolaýshylardyń negizgi bóligi Masqat – Almaty baǵyty boıynsha eki arnaıy reıspen elge jetkiziledi, dep habarlaıdy Egemen.kz.

Aıana TOǴANBEK

Taıaý Shyǵystaǵy qaqtyǵys: 500-ge jýyq qazaqstandyq elge oralady

Vedomstvonyń málimetinshe, seısenbi kúni tańerteńgi ýaqytta 278 qazaqstandyqtan quralǵan alǵashqy top Dýbaıdaǵy QR Bas konsýldyǵynyń qyzmetkerlerimen birge Masqatqa qaraı jerústi kóligimen jolǵa shyqty. BAÁ jáne Oman shekarasynda azamattarǵa shekaralyq rásimderden jedel ótýdi qamtamasyz etý úshin konsýldyq qoldaý kórsetildi.

Keıin osy baǵyt boıynsha 189 qazaqstandyqtan turatyn ekinshi toptyń ushýy josparlanǵan. Osylaısha, jalpy sany 467 Qazaqstan azamaty elge oralady.

«Áýe reısterinen bólek evakýasııa jerústi baǵyttary arqyly da júzege asyrylyp jatyr. Atap aıtqanda, Qazaqstannyń Tegeran, Ashhabad jáne Gorgandaǵy mekemeleri Iran-Túrikmenstan shekarasyndaǵy «Inchebýrýn» ótkizý pýnkti arqyly 15 QR azamatynyń qaýipsiz ótýin qamtamasyz etti. Olarǵa ári qaraı Aqtaý qalasyna jetýine qajetti qoldaý kórsetildi», delingen habarlamada.

Sondaı-aq Tegeran jáne Erevandaǵy dıplomattar Iran aýmaǵynan «Zarkýh» kompanııasynyń 35 qyzmetkeriniń Iran-Armenııa shekarasy arqyly avtobýspen shyǵýyna járdem kórsetti.

Taıaý Shyǵystaǵy qaqtyǵysqa qatysty Qazaqstannyń ustanymy qandaı?

Syrtqy ister mınıstrligi óńirdegi Qazaqstannyń dıplomatııalyq ókildikteri evakýasııa tolyq aıaqtalǵanǵa deıin sol jerdegi jumysty úılestirýdi jalǵastyryp, azamattarmen turaqty baılanysta bolatynyn aıtty.