Foto: NBC (Vıdeodan alynǵan kadr)
AQSh Densaýlyq saqtaý jáne áleýmettik qyzmetter mınıstrliginiń málimetinshe, eki adam ushaqpen tasymaldaý kezinde arnaıy oqshaýlanǵan bólimderge ornalastyrylǵan.
NBC telearnasynyń habarlaýynsha, amerıkalyqtardy alyp kelgen Memlekettik departament ushaǵy Nebraska shtatyndaǵy Omaha-Epplı áýejaıyna qonǵan. Jolaýshylar tekserýden ótý úshin Nebraska ýnıversıtetiniń medısınalyq ortalyǵyndaǵy arnaıy patogendermen emdeý aımaqtyq ortalyǵyna jetkizildi.
DDSU basshysy úndeý jasady: Hantavırýs qaýpi qanshalyqty joǵary?
Al PTR-testi oń nátıje kórsetken adam bólek medısınalyq mekemege jiberiledi. AQSh bıligi elde hantavırýsty juqtyrý qaýpin óte tómen dep baǵalap otyr. Sebebi bul vırýs kóbine adamnan adamǵa berilmeıdi. Eske salaıyq, MV Hondius krýızdik laınerinde hantavırýs indeti tarap, úsh adam kóz jumǵan.
9 mamyrdaǵy málimet boıynsha, segiz rastalǵan nemese kúmándi jaǵdaı tirkelip, úsh adam qaıtys bolǵan. AQSh-tyń Aýrýlardy baqylaý jáne aldyn alý ortalyǵynyń deregine sáıkes, hantavırýstyń ınkýbasııalyq kezeńi alǵashqy belgiler paıda bolǵan sátten bastap bir aptadan segiz aptaǵa deıin sozylady.
Mamandardyń aıtýynsha, aýrý negizinen kemirgishter arqyly taraıdy. Alaıda sırek jaǵdaıda adamnan adamǵa juǵýy múmkin.
Jańa pandemııa qaýpi bar ma? Eýropada hantavırýs juqtyrý derekteri kóbeıdi
