Ýkraınalyq tennısshi Marta Kostıýk álemniń úshinshi raketkasy Iga Shventekti eki sette senimdi jeńdi. Qorytyndy nátıje 7:5, 6:1. Osylaısha ol shırek fınalǵa joldama aldy. Qarsylastar kortta 1 saǵat 40 mınýt ótkizdi.
Bul ýkraınalyq pen polıak tennısshileriniń arasyndaǵy tórtinshi kezdesýi. Kostıýk alǵash ret jeńiske jetip otyr. Buǵan deıin ol ataqty qarsylasynan birde-bir set ala almaǵan edi.
Fransııa ashyq chempıonatynyń shırek fınalynda Marta endi ne óz otandasy Elına Svıtolınamen nemese Belında Benchıchpen kezdesedi.
Aıta keteıik, «Rolan Garros» 2026 týrnırinde Qazaqstannyń jalǵyz ókili retinde Anna Danılına qaldy. Buǵan deıin óner kórsetken otandastarymyz Elena Rybakına, Aleksandr Býblık, Iýlııa Pýtınseva jáne Aleksandr Shevchenko jarys jolyn aıaqtaǵan edi.
