1 maýsymnan bastap júrgizýshilerdiń mártebesi aı saıyn jınalǵan upaılar negizinde anyqtalady. Jańartylǵan baǵdarlama bes deńgeıden turady: «Sheber», «Kásipqoı», «Sarapshy», «Chempıon» jáne «Ańyz».
Alǵashqy úsh deńgeıge jetý úshin júrgizýshilerge saparlar oryndap, upaı jınaý jetkilikti. Al «Chempıon» jáne «Ańyz» deńgeılerine kóterilý úshin servıste uzaq ýaqyt boıy belsendi jumys isteý qajet. Máselen, «Chempıon» mártebesin alý úshin qatarynan keminde 12 aı, al «Ańyz» deńgeıine jetý úshin 36 aı turaqty qyzmet kórsetý talap etiledi.
Deńgeı joǵarylaǵan saıyn júrgizýshiler úshin qosymsha múmkindikter de arta túsedi. Olardyń qatarynda Iаndeks Plıýs jazylymy, tapsyrystardy kóbirek alý úshin beriletin basymdyq upaılary jáne basqa da arnaıy artyqshylyqtar bar.
Baǵdarlamanyń eń mańyzdy jańalyǵy – komıssııalyq jeńildikter. «Chempıon» deńgeıindegi júrgizýshiler úshin servıs komıssııasy 3 paıyzdyq tarmaqqa tómendese, «Ańyz» mártebesin alǵandar úshin bul kórsetkish 8 paıyzdyq tarmaqqa deıin qysqarady. Jeńildik barlyq taksı tapsyrystaryna avtomatty túrde qoldanylyp, komıssııanyń jalpy kóleminen shegeriledi.
Kompanııanyń baǵalaýynsha, jańa júıeniń arqasynda Iаndeks Pro platformasynyń seriktes júrgizýshileri 2026 jyldyń sońyna deıin qosymsha 1,7 mıllıard teńgeden astam tabys tabýy múmkin.
Taksı úshin jańa talap engizildi: Endi apat bolǵan jaǵdaıda tasymaldaýshyny anyqtaý jeńildeıdi
Baǵdarlamadaǵy deńgeıler avtomatty túrde esepteledi. Bul rette júrgizýshiniń servıstegi burynǵy jumys tájirıbesi men saparlar tarıhy da eskeriledi.
