Foto: EFE
Mınıstrdiń aıtýynsha, áıel krýızden keıin Fransııaǵa oralǵan. Alaıda túnde onyń jaǵdaıy kúrt nasharlap, júrgizilgen tekserý nátıjesinde hantavırýs anyqtalǵan. Qazir naýqas ınfeksııalyq aýrýlarǵa mamandanǵan aýrýhanada em alyp jatyr.
BFMTV málimetinshe, bul – Fransııadaǵy hantavırýs juqtyrýdyń alǵashqy deregi. El bıligi naýqaspen baılanysta bolǵan 22 adamdy anyqtaǵan. Úkimet ókilderiniń málimetinshe, ınfeksııanyń taralýyna jol bermeý úshin qatań sanıtarlyq sharalar qabyldanyp jatyr.
Úkimettiń resmı ókili Mod Brejon halyqty dúrbeleńge berilmeýge shaqyrdy. Onyń sózinshe, keıingi jyldardaǵy indetterden keıin qoǵamda alańdaýshylyqtyń bolýy túsinikti, alaıda jaǵdaı baqylaýǵa alynǵan.
DDSU basshysy úndeý jasady: Hantavırýs qaýpi qanshalyqty joǵary?
Buǵan deıin MV Hondius kemesinen túsken bes Fransııa azamatyn mingen ushaq Parıj mańyndaǵy Le Býrje áýejaıyna qonǵan edi. Olardyń tórteýiniń PTR-testi teris nátıje kórsetken.
Aıta keteıik, hantavırýs oshaǵy Argentınadan Kabo-Verdege baǵyt alǵan Nıderlandtyń MV Hondius krýızdik laınerinde tirkelgen. Dúnıejúzilik densaýlyq saqtaý uıymy jeti adamnyń vırýs juqtyrǵanyn rastady, olardyń úsheýi qaıtys bolǵan.
Sońǵy kúnderi Ispanııada, Atlant muhıtynyń ońtústigindegi Trıstan-da-Kýnıa aralynda jáne AQSh-ta hantavırýs jaǵdaılary tirkeldi. Al Polshada bir adam vırýs juqtyrdy degen kúdikpen sanıtarlyq baqylaýǵa alynǵan.
Jańa pandemııa qaýpi bar ma? Eýropada hantavırýs juqtyrý derekteri kóbeıdi
