Foto: 24KZ
Byltyr otbasymen birge Taldyqorǵannan Petropavlǵa qonys aýdarǵan Pavel Kornılovtyń aıtýynsha, ol bastapqyda páter jaldap turǵan, onyń tólemi memleket esebinen jabylǵan. Keıin «Ekonomıkalyq utqyrlyq sertıfıkatyn» alyp, óz jınaqtaryn qosyp, ıpoteka arqyly úsh bólmeli páter satyp alǵan.
Aıda Balaeva kóshi-qon saıasatyn jetildirýdiń basym baǵyttaryn túsindirdi
24KZ málimdeýinshe, baǵdarlama aıasynda óńirge kóship kelgen ár adamǵa 300 myń teńge kóleminde bir rettik sýbsıdııa tólenedi. Sonymen qatar turǵyn úı satyp alýǵa beriletin sertıfıkat kólemi de artqan.
SQO boıynsha eńbek mobıldiligi ortalyǵynyń dırektory Nurlan Bıbolaevtyń aıtýynsha, byltyr sertıfıkat kólemi 4,5 mln teńge bolǵan. Alaıda qonys aýdarýshylar dál osyndaı somany óz qaltasynan qosýy kerek edi. Sonyń nátıjesinde jalpy quny 9 mln teńgege deıingi baspana alýǵa múmkindik bolǵan.
«Bıylǵy erekshelik – Úkimetten 7 mln teńge tólenedi. Eger úıdiń baǵasy osy qarajatqa saı kelse, qonys aýdarǵan azamat qosymsha qarjy shyǵarmaı-aq baspanaly bola alady», dedi Nurlan Bıbolaev.
Bıyl Soltústik Qazaqstan oblysyna 3020 qonys aýdarýshy men qandasty qabyldaý josparlanǵan. Qazirdiń ózinde jyldyq jospardyń 60% oryndalǵan.
Kóshi-qon saıasaty ózgeredi: Oljas Bektenov mınıstrlerge naqty mindetter júktedi
