Aqtóbe oblysynyń mamandandyrylǵan aýdanaralyq qylmystyq sotynda buryn habar-osharsyz ketken, keıinnen máıitteri tabylǵan erli-zaıyptylarǵa qatysty is qaraldy. Atalǵan is Qylmystyq kodekstiń 99-baby 1-bóligi boıynsha qozǵalyp, sotqa joldanǵan. Aıyptalýshy retinde marqum Amanjol Almaǵanbetov tanylǵan.
Is materıaldaryna sáıkes, 2025 jylǵy 20 qarashada A. Almaǵanbetov jubaıyna azyq-túlik satyp alatynyn aıtyp, ony kólikke otyrǵyzǵan. Jolda olardyń arasynda urys týyndap, er adam kólikti toqtatqan. Sodan keıin asúı pyshaǵyn alyp, artqy oryndyqqa aýysqan. Ol áıelin oryndyqqa jatqyzyp, arqasynan aıaǵymen basyp turyp, moıyn tusyna birneshe ret pyshaq suqqan.
Keıin ol mal bazaryna baryp, uzyndyǵy 10 metr arqan satyp alǵan. Is materıaldaryna sáıkes, jaqyn mańdaǵy óndiristik sehqa baryp, sol jerden asylǵan kúıinde tabylǵan.
Atyraýdaǵy erli-zaıyptynyń ólimi: Kúdiktini ustaý sátinen foto-vıdeo jarııalandy
Aıyptalýshynyń qaıtys bolýyna baılanysty qylmystyq is Qylmystyq-prosestik kodeksiniń 35-baby 1-bóligi 11-tarmaǵy negizinde toqtatyldy.
Sot úkimi zańdy kúshine engen joq.
Atyraýdaǵy erli-zaıyptynyń ólimi: Kúdikti Indonezııada ustaldy
