Baǵdarlama aıasynda respýblıka mektepterinde qaýipsizdik sabaqtaryn ótkizý erekshe mánge ıe. Sabaq barysynda oqýshylar túrli ómirlik jaǵdaılardy taldap, zań talaptaryn túsinip, óz quqyqtary men mindetterin meńgeredi. Kıberqaýipsizdik, quqyqbuzýshylyqtyń aldyn alý, qoǵamdyq tártipti saqtaý, aqparatty saralaı bilý – munyń barlyǵy jasóspirimniń sanaly tulǵa bolyp qalyptasýyna yqpal etedi. Ashyq pikir almasý men talqylaý arqyly olar óz kózqarasyn dáleldeýge, ózgelerdiń pikirine qurmetpen qaraýǵa daǵdylanady. Bul daǵdylardyń mańyzy, ásirese, el ómirindegi mańyzdy saıası kezeńderde aıqyn kórinedi.
Respýblıkalyq referendým – halyqtyń óz taǵdyryn ózi aıqyndaý quqyǵyn júzege asyratyn mańyzdy joly. Mundaı sátte ár azamattyń sanaly tańdaýy memleket bolashaǵyna tikeleı áser etedi. Al sanaly tańdaý jasaý quqyqtyq saýattylyqty, synı oılaýdy jáne joǵary jaýapkershilikti talap etedi.
Oljas Bektenov: Jańa Konstıtýsııa – bolashaqtyń strategııalyq tańdaýy
Búgingi mektep oqýshysy – erteń el taǵdyryn sheshýge qatysatyn azamat. Eger ol mektep qabyrǵasynan bastap zańdy qurmetteýdi, ádildikti baǵalaýdy jáne óz áreketine jaýap berýdi úırense, bolashaqta referendým sııaqty mańyzdy qoǵamdyq úderisterge belsendi ári jaýapkershilikpen qatysady.
Aıda Balaeva: Prezıdent – jańa Konstıtýsııanyń negizgi avtory
Sondyqtan «Adal azamat» baǵdarlamasy aıasyndaǵy qaýipsizdik sabaqtary – tek tárbıelik shara ǵana emes, quqyqtyq memleket pen azamattyq qoǵamdy nyǵaıtýdyń berik negizi. Sanaly, jaýapty jáne belsendi urpaq qalyptastyrý – eldiń turaqty damýynyń kepili.
A. Jýnýsova,
Abaı oblysy bilim basqarmasynyń Semeı qalasy bilim bóliminiń
«№ 19 jalpy orta bilim beretin mektebi» KMM dırektory
