«О́zderińizge belgili jer salasynda týyndaǵan suraqtar boıynsha arnaıy komıssııa jumys jasaǵan bolatyn. Qoǵamdyq pikirlerdi saralaı kele Jer reformasy boıynsha komıssııanyń jer zańnamasyn jetildirý jónindegi daıyndalǵan usynystaryna sáıkes, Jer kodeksine kelesi ózgerister men tolyqtyrýlar engizý qarastyrylady. Olar – qazaqstandyqtarǵa aýylsharýashylyq jerlerin jalǵa berý ınstıtýtyn saqtaý jáne jetildirý. Qazaqstandyqtarǵa jalǵa beriletin aýylsharýashylyq jerleriniń shekti (eń joǵary) mólsherin belgileý. Esterińizde bolsa, bizde aýylsharýashylyq jerlerin jalǵa berýde shekteý bolmaǵan. Qazirgi tańda bul kóterilip otyrǵan asa mańyzdy máselelerdiń biri bolyp tabylady. Sonymen qatar, shekara mańyndaǵy aımaqtarda aýylsharýashylyq jerlerin berýdiń talaptaryn qatańdatý. Jáne de, halyqtyń qajettilikterin qanaǵattandyrý úshin eldi mekender mańyndaǵy jaıylym alańdaryn anyqtaý. Atalǵan usynystardy eskere kele Aýyl sharýashylyǵy mınıstrligi zań jobasyn ázirlep, Májiliske usynǵan bolatyn. Ol qazir jan-jaqty talqylanýda.
Sonymen qatar ol, Jer kodeksindegi tártipke sáıkes aýyl sharýashylyǵyndaǵy jerlerdi berý konkýrstyq negizde júzege asyrylatynyn tilge tıek etti.
«Konkýrsty ótkizý týraly habarlamany buqaralyq aqparat quraldarynda, ákimdikterdiń jáne Aýyl sharýashylyǵy mınıstrliginiń resmı ınternet-resýrstarynda jarııalaıtyn bolamyz. Ol úshin eń birinshi jer ýchaskelerin anyqtap alyp, konkýrsqa qoıýdyń aldynda, qoǵamdyq keńestiń kelisimine jiberedi. Olar jerlerdiń qaısysy konkýrsqa shyǵarylatynyn, qaısysy halyqqa qajet ekenin anyqtaıdy. Onyń shemasyn jergilikti atqarýshy organdar jasaıtyn bolady. Joǵaryda atap ótken konkýrstyń komıssııa quramynyń 50 paıyzdan astamyn qoǵamdyq keńestiń músheleri quraıtyn bolady. Olar jyl saıyn jańaryp otyrady. Jáne de, beriletin jerlerdiń utymdy paıdalanylýyn tekserý maqsatynda, zań jobasymen turaqty monıtorıng júrgizý qarastyrylyp otyr. Jalǵa alýdyń alǵashqy 5 jylynda – jyl saıyn, kelesi kezeńderde sýarmaly jerlerge árbir 3 jylda, egistik jerlerge ár 5 jylda bir ret monıtorıng júrgiziledi», dedi ol.
Raýan QAIDAR,
«Egemen Qazaqstan»
