Senbilik serpini

Kópshilik qaýymnyń pikirinshe, jasampazdyqtyń eń basty beınesi tazalyq pen rettilikte anaǵurlym shynaıy, anaǵurlym jarasymdy kórinedi. Kózge súıkimdi kórinetin sol bir jasampazdyq Astanaǵa laıyqtap aıtylǵandaı desek, eshkimniń de talasy bola qoımas. Sol úshin de elordalyq turǵyndar qashanda bolmasyn bas qalamyzdyń tazalyǵyna aıryqsha kóńil bóledi. О́tken aptanyń sońynda bolǵan jalpyqalalyq senbilik te bul aıtqandarymyzǵa tolyq dálel bola alady. Senbilikke elordalyq tur­ǵyn­dardyń bári belsendi qa­tys­ty. Prezıdent Ákimshiligi, «Nur Otan» HDP, Premer-Mınıstr Keńsesi, Parlament Senaty men Májilisi depýtat­tary, Astana qalasynyń ákim­digi bas­taǵan barlyq memlekettik organdar, jaýapkershiligi shekteýli seriktestikter, bar­lyq saý­da-oryndarynyń qyz­met­kerleri qa­la­ny abattandyrý, kógal­dan­dyrý jáne sanıtarlyq tazalaý ju­mys­taryn bir kisideı atqaryp shyq­ty. Senbi kúni elorda bu­ryn­­ǵy­synan da ózgeshe beınege enip, qa­lanyń belsendi qoz­ǵalys yrǵaǵy álde­qaıda jyldam júre bastady. Senbiliktiń uıymdastyrylýy el Táýelsizdiginiń 20 jyldyǵyna jáne BUU-nyń Bas Assambleıasy bekitken Búkilálemdik jer kúni­ne tikeleı baılanysty. «Jasyl japyraq – Zelıonyı lıst» ak­sııa­synyń aıasynda ótken senbiliktiń respýblıkanyń barlyq aımaqta­ryn­da ótkizilýiniń de ózindik máni bar. Astananyń tazalyǵyn ǵana emes, onyń kógaldandyrý jumy­sy­nyń da orny ózgeshe. Sol úshin de jyldaǵydaı bıyl da aǵash otyrǵyzý dástúri óz jalǵasyn tapty. Máselen, qalanyń Saraı­shyq kóshesinde Prezıdent Ákim­shiligi, «Nur Otan» HDP, Premer-Mınıstr Keńsesi, Qor­sha­ǵan ortany qorǵaý mınıstrliginiń ókilderi, Kúıshi Dına jáne №39 kóshelerde shetel memleketteri elshilikteriniń dıplo­mat­tary, «Araı» saıabaǵynda – Joǵarǵy Sot músheleri, «Báı­terek» mo­nýmentiniń aldynda – Bas prokýratýranyń qyz­met­kerleri kóshetter otyrǵyzyp, ár aýmaq­tyń tazalyǵyna ózde­rinshe úles qosty. Al Astana qalasynyń ákimdigi bolsa bıylǵy tazalaý men abattandyrý jumystaryn qalanyń shet aýdandaryndaǵy aımaqtardan bastady. Senbilik pen aılyq sheńberinde otyr­ǵyzýǵa daıyndalǵan 4307 aǵash pen 25 myń butalardyń basym bóligin Kóktal-1, Kóktal-2 saıa­baqtary men alleıalarynda jáne basqa da qala ortaly­ǵy­nan tysqary jatqan aýdandarda egý josparlanyp otyr. Qalany abattandyrýǵa shaǵyn jáne orta bıznes sýbektileri qyzmet­kerleri belsendi qatysyp, Astana qalasy ákimdiginiń 30 sáýir kúni jasyl jelek egý jó­nindegi úndeýine qoldaý kór­setýi bıylǵy jyldyń basty jańalyǵy boldy. Osy maqsatta «Astana-Kógal­dan­­dy­rý» AQ 2240 kóshet daıyndap qoıdy. Bıylǵy elordadaǵy senbilikke 80 myńnan astam adam shyqsa, 300-den asa kólik pen ózge de ar­naıy tehnıkalar ju­myl­dy­ryl­dy. Bıylǵy tazalyq aılyǵynda 190 las oryn men 1285 tekshe metr qoqys shyǵarylyp, jıylǵan úıindi tolyǵymen joıylýy tıis. «Aldaǵy 3-4 jyl ishinde elorda halqy 1 mıllıondyq mejege jetip qalýy yqtımal. Bizdiń elde ishki mıgrasııa óte belsendi júrýde. Jyl saıyn qalamyzda 50 myńǵa jýyq adam turaqty tirkeledi. Búgingi tańda elordada 800 myńnan astam turǵyn bar. Bul másele biz­diń kóńilimizdi qaladaǵy, birinshi kezekte, áleýmettik nysan qu­ry­lys­taryna úlken mán berý qajet­ti­gine aýdartady. Byltyrǵy jyl­d­yń ózinde Astanaǵa 3 myńnan astam mektep jasyndaǵy balalar kelgen. Sol úshin de mektep pen balabaqshalardyń máseleleri bárinen de buryn turýy tıis. Al 2020 jylǵa deıin qalada 38 mektep salynýy tıis. Osy baǵ­dar­la­ma sheńberinde biz jumys jasap kelemiz. Elordada úsh aýsymmen oqıtyn mekteper áli de bolsa bar. Eki-úsh jyl ishinde bul máseleniń de basy ashylýǵa tıis», – dedi I. Tasmaǵambetov jýrnalısterge bergen suhbatynda. Araı ÚIRENIShBEKQYZY. Juldyz BAIDILDA. ----------------------------- Sýretterdi túsirgen Orynbaı BALMURAT.