«Arystannyń» órenderi

JALAÝ JELBIRETIP, ANT QABYLDADY Alataýdyń Talǵar bettegi ádemi qoınaýlarynyń birine or­nalasqan «Arystan» maman­dan­dyrylǵan lıseıi qazirde kópke málim. Jas órenderdi áskerı tár­­tippen oqytatyn osynaý bilim ordasy ótken jyly «Nur­sul­tan Nazarbaevtyń bilim qo­ry» qoǵamdyq qorynyń bilim berý maqsatyndaǵy qaıyrym­dy­lyq jobasynyń aıasynda ashylǵan bolatyn. Minekı, ót­ken jeksenbide lıseı oqýshy­laryna jalaý tapsyrý rásimi ótip, órender ant qabyldady. Bizdiń bir baıqaıtynymyz, «Arystan» áskerı lıseıi jó­ninde halyq ár jerde kóbirek bilgisi keledi. Bul degenińiz osy zamandyq úlken bilim kesheni, barlyq qolaıly jaǵdaılar tý­ǵyzylǵan deýge bolady. Onda ne­gizinen respýblıkanyń ár ta­rapynan kelgen turmysy tómen otbasylardyń uldary jáne jetim balalar oqıdy. Lıseı ózi­niń basty mindetin qazirdiń ózin­de jaqsy atqaryp, jas óren­derdi elimizdiń qaýipsiz­di­gin qamtamasyz etetin qury­lym­dardaǵy memlekettik qyz­metke ázir etetin bolashaq oqýǵa jan-jaqty daıyndaýda. Búgingi jalaý tapsyrý rá­simine keler bolsaq, bylaı. Jalaý degenimiz lıseıdiń rámizi, oqý ornynyń ar-ojdanynyń, dańqy men dástúrleriniń, áske­rı daıarlyq jónindegi maman­dyq baǵdarynyń belgi-beınesi bolyp tabylady. Iаǵnı, lıseıge jalaýdyń resmı túrde tap­sy­ry­lýy oqý ornyna erekshe már­tebe beredi, mereıin kóteredi. Lıseı aldyndaǵy alańda me­rekelik kóńil kúı. Sy­nyp­tar­dyń órenderi sherý forma­symen sapqa turypty. Lıseı bastyǵy, general-maıor S.Taýlanov komanda bergennen keıin orkestr marsh yrǵaqtaryn quı­qyljyttty. Budan soń lıseı bastyǵy «Nursultan Nazar­baev­tyń bilim qory» qoǵamdyq qorynyń dırektory Dınara Qu­lybaevaǵa lıseıdiń jeke quramy jalaý tapsyrý rásimi úshin sapqa turǵyzylǵanyn baıan etti. Dınara Nursultanqyzy baıandy qabyl alyp, lıseı oqýshylarymen amandasty. Odan soń tý ustaýshydan jelbiregen jalaýdy alyp, lıseı basty­ǵyna saltanatty túrde tabys etti. Lıseıdiń jeke quramy osyndaı qýanyshty jaǵdaıǵa baı­lanysty tóńirekti jańǵy­ryq­tyra úsh márte: «Ýra!» dep jaýap qaıtardy. Lıseı bastyǵy S.Taýlanov jalaý tapsyrylǵany úshin al­ǵy­syn bildirip, lıseı oqýshy­larynan ant qabyldaý rásimine kirisetindigin málimdedi. Árbir oqýshy jalaý janyna sap al­dynda saltanatpen adymdap kelip, Ant mátinin oqı bastady. Anttyń sońyna qaraı basqa órender de onymen birge: «Ant etemiz!» degen sózdi úsh márte qaıtalap turdy. Barlyǵy 80 órennen ant qabyldaý rásimi aıaqtalǵannan keıin quttyqtaý tilekteri aıtylyp, orkestrdiń, Aeroutqyr kúshter arnaıy bó­limshesiniń, Respýblıkalyq ulan­nyń qurmetti qaraýyl rotasy­nyń óneri tamashalandy. Qorǵanbek AMANJOL. ---------------------------------- Sýretti túsirgen Bersinbek SÁRSENOV.