Yntymaqtastyqqa yntalylyq

Aqordada Astana qalasynda ótetin Shanhaı yntymaq­tas­tyq uıymyna (ShYU) múshe memleketter Qaýipsizdik keńes­te­ri hatshylarynyń 6-shy kezdesýi aıasynda Prezıdenttiń kómekshisi – Qaýipsizdik Keńesiniń hatshysy Marat Tájın Qytaı Halyq Respýblıkasy Memlekettik keńesiniń múshesi – Qoǵamdyq qaýipsizdik mınıstri Men Szıanchjýmen kezdesti. «Eki memleket basshylary ara­syndaǵy baılanys, mınıstr­lik­aralyq jáne vedomstvoaralyq únqatysý, Qazaqstan men Qytaı arasyndaǵy ekonomıkalyq ynty­maqtastyq búginde ósý bıiginde. Bıylǵy jyldyń aqpan aıynda Qazaqstan Prezıdenti Qytaıǵa resmı saparmen barǵan edi. Bul kezdesý barysynda ekijaqty árip­testiktiń san qyrly tustary tóńireginde kelissózder júrgen bolatyn», dedi M. Tájın. Ol óz sózinde osy jyldyń maýsym aı­ynda QHR Tóraǵasy Hý Szın­tao­nyń da Qazaqstanǵa  arnaıy sa­pary kózdelip otyrǵanyn aıta kele, bul sapar qos memlekettiń strategııaaralyq baılanysyn ny­ǵaıta túsedi degen senimin jet­kizdi. «Siz Astanaǵa kelgen sapa­ryńyzda sondaı-aq Qazaq­stan­nyń Ishki ister mınıstrligimen nátıjeli kelissóz júrgiz­genińizdi bilemiz. Elimizdiń Premer-Mınıstrimen de kezdesý ótkizdińiz. Osy oraıda, men ózara áriptestik baılanysymyzdyń keı­bir ma­ńyz­dy tustaryn talqy­laýǵa múm­kindik alǵanymyz úshin de alǵys aıtamyn»,  dedi Qaýipsizdik Ke­ńe­siniń hatshysy. Men Szıanchjý óz kezeginde áriptesiniń sózimen kelisetinin, bul eki el baılanysyndaǵy ósý yrǵaǵynyń belgisi ekenin jetkizdi. «Búginde Qazaqstan-Qytaı yntymaqtastyǵy joǵary deńgeı­de damyp keledi.  Qazaqstan bas­shysynyń bizdiń elimizge sapary nátıjesinde qos taraptyń qaty­sýymen kóptegen kelisimge qol qoı­yldy. Bulardyń barlyǵy eki­jaqty qarym-qatynasqa tyń serpin beredi dep oılaımyn», – dedi Qytaı Halyq Respýblıkasy Mem­lekettik keńesiniń múshesi – Qoǵam­dyq qaýipsizdik mınıstri óz sózinde. Taraptar óńirlik qaýipsizdik­tiń ózekti máseleleri jóninde de pikir almasyp, ortaq múddeni kózdeıtin baǵyttar boıynsha eki jáne kópjaqty is-qımyldy te­reń­detýge nıet bildirdi. Máselen, ShYU aıasynda saıası, ekono­mı­ka­lyq jáne gýmanıtarlyq ynty­maq­tastyqty keńeıtý qajettigi aıtyldy.  ShYU-nyń О́ńirlik ter­­rorızmge qarsy quryly­my­nyń terrorızmge, separatızmge jáne ekstremızmge qarsy áreket etý mindetterin sheshýdegi róli de nazardan tys qalmady. Esirtkiniń zańsyz aınalymymen kúres jó­ninde birlese kúsh-jiger jum­saýdyń mańyzdylyǵy da tilge tıek etildi. Kezdesý sońynda bıylǵy jyl­dyń 15 maýsymynda Astanada ótetin ShYU sammıtine daı­yn­dyq máseleleri talqylandy. Láıla EDILQYZY.