2016 jyl qazaqstandyq aýyl sharýashylyǵy ónimin óndirýshiler úshin jemisti jyl boldy. Jyl qorytyndysy boıynsha, saladaǵy shaǵyn jáne orta bıznestiń salyq tólengenge deıingi taza kirisi 84,6 mlrd teńgeni qurady.
2015 jyly shaǵyn jáne orta bıznestiń paıda tappaq túgili, 25,2 mlrd teńge shyǵynǵa ushyraǵanyn aıta keteıik.
О́tken jylǵy shaǵyn jáne orta bıznestiń aýyl sharýashylyǵyndaǵy tabysy 2012-2015 jyldar aralyǵyndaǵy kiristi qosa eseptegendegiden de kóp boldy. Bul ýaqyt aralyǵynda bızneske jalpy kólemi 66,1 mlrd teńge kiris kirgen edi.
О́tken jyly ulttyq ekonomıkany alǵa súıregen salalardyń biri aýyl sharýashylyǵy ekeni anyq. Respýblıkalyq IJО́ 1,3% bolǵanda, aýyl sharýashylyǵynyń ósimi 5,5% bolǵan edi.
Joldaýda aıtylǵan mindettemege saı, Qazaqstan Eýrazııa keńistiginiń «nan sebetine» aınalýy tıis. Ol úshin aýyl sharýashylyq salasy shıkizat óndirýshi bolyp qana shektelmeı, óńdeý ónerkásibin de damytyp, daıyn ónim eksportyna qarqyn berýi kerek.
Osy oraıda, vedomstvolar pen ákimdikterge sýbsıdııa berý tártibin qaıta qaraý, aýyl sharýashylyǵyn sýbsıdııalaý júıesinen saqtandyrý júıesine aýysý, aldaǵy bes jylda 500 myń aýyl sharýashylyq kooperatıvin qurý, ónimdi óńdeý deńgeıin arttyrý, saqtaý, tasymal men satýdyń tıimdi júıesin qurý, eńbek ónimdiligin arttyrý men óndiristik shyǵyndardy azaıtý, jerdi paıdalaný tıimdiligin arttyrý sekildi mindettemeler júktelgen.
