2016 jyly týǵan bala Saryjar aýylynan 5 shaqyrym qashyqtyqtaǵy Elek ózeni mańynda joǵalǵan. TJM málimetinshe, qutqarý operasııasy táýlik boıy toqtaýsyz júrgizilip jatyr.
Vedomstvonyń deregine sáıkes, izdeý jumystaryna 3 súńgýir toby jumyldyrylyp, olar 23 ret sýǵa túsip, shamamen 550 metr akvatorııany teksergen. Sonymen qatar 5 júzý quraly arqyly oqıǵa ornynan Sarjansaı aýylyna deıingi 45 shaqyrymǵa jýyq ózen aýmaǵy qaralǵan.
Qurlyqtaǵy izdestirý de qatar júrgizilýde. Qutqarýshylar ózen jaǵalaýyn eki baǵytta jaıaý tekserip, osy ýaqytqa deıin 20–22 shaqyrym aýmaqty sholyp shyqqan.
Jalpy izdestirý-qutqarý jumystaryna shamamen 90 adam, 30-dan astam tehnıka, 6 ushqyshsyz ushý apparaty, 7 júzý quraly jáne «Qazavıaqutqarý» AQ tikushaǵy tartylǵan.
Izdeý jumystaryna TJM bólimshelerimen qatar polısııa qyzmetkerleri, jergilikti atqarýshy organdar, eriktiler men aýyl turǵyndary da qatysyp jatyr.
