Polısııa qyzmetkerleri áleýmettik jelilerge monıtorıng júrgizý barysynda elordanyń basty sımvolynyń aıasynda jasalǵan ersi áreketti anyqtaǵan. Kóp uzamaı tártip saqshylary 19 jastaǵy qala turǵynyn ustap, polısııa bólimshesine jetkizdi. Onyń áreketi «Usaq buzaqylyq» baby boıynsha baǵalanyp, is materıaldary sotqa joldandy.
Almatydaǵy stýdenttiń ólimi: Qaıǵyly oqıǵaǵa ádiletsiz baǵalaý sebep boldy ma?
«Sot K. esimdi azamattyń «Báıterek» monýmentiniń janynda ádepsiz sýretke túsip, ony ınternet jelisine ornalastyrǵanyn anyqtady. Bul áreket qoǵamdyq tártipti buzý jáne azamattardyń tynyshtyǵyn alý bolyp sanalady. Quqyq buzýshynyń áreketi «Báıterek» monýmentin paıdalana otyryp, ádepsiz vızýaldy jest jasaý arqyly kórinis tapqan, bul qoǵamǵa degen anyq qurmetsizdik pen minez-qulyq normalaryn buzýdy bildiredi», delingen sot habarlamasynda
Sot otyrysynda stýdent kinásin tolyq moıyndap, ókinish bildirdi. Sot sheshim qabyldaý kezinde quqyq buzýshynyń jas ereksheligi men stýdenttik mártebesin eskere otyryp, ony 5 táýlikke qamaýǵa alý týraly úkim shyǵardy.
Úkim zańdy kúshine engen joq.
