Foto: Ashyq derekkóz
Oqıǵa Qarajal qalasyndaǵy Shaıhın kóshesiniń boıynda ornalasqan jeke turǵyn úıde bolǵan. Qutqarýshylardyń jedel áreketiniń nátıjesinde órtenip jatqan úıden 1971 jyly týǵan er adam qutqaryldy.
«Qutqarýshylar er adamdy syrtqa shyǵardy. Ol tútinge ýlaný dıagnozymen aýrýhanaǵa jatqyzyldy», dep habarlady vedomstvodan.
Sonymen qatar TJM qyzmetkerleri úı ishinen syıymdylyǵy 27 lıtrlik 6 gaz ballonyn syrtqa shyǵaryp úlgergen. Osylaısha, qutqarýshylar yqtımal jarylystyń jáne odan da aýyr zardaptardyń aldyn aldy.
Tilsiz jaý 10 sharshy metr aýmaqta tolyq aýyzdyqtaldy. Qazirgi ýaqytta órttiń shyǵý sebebi anyqtalyp jatyr.
Buǵan deıin «Qazsınk» aýmaǵyndaǵy jarylys saldarynan tórt zardap shegýshi aýrýhanaǵa jetkizilgenin habarlaǵan edik.
