Foto: istockphoto.com
2026 jyldyń basynan bastap memlekettik járdemaqylardyń mólsheri ındeksteldi. Birinshi, ekinshi jáne úshinshi bala dúnıege kelgen jaǵdaıda 164 350 teńge kóleminde birjolǵy tólem qarastyrylǵan. Al tórtinshi jáne odan keıingi balalarǵa 272 475 teńge mólsherinde járdemaqy tólenedi.
Sondaı-aq jumys istemeıtin ata-analarǵa bala 1,5 jasqa tolǵanǵa deıin aı saıyn bala kútimi boıynsha járdemaqy beriledi. Onyń mólsheri balalardyń sanyna baılanysty belgilenedi. Mindetti áleýmettik saqtandyrý júıesine qatysatyn jumys isteıtin analarǵa júktilik pen bosanýǵa, sondaı-aq bala kútimine baılanysty áleýmettik tólemder taǵaıyndalady.
1 qańtardan bastap áleýmettik tólemder men salyq júıesi ózgerdi
Múgedektigi bar balalardy tárbıelep otyrǵan ata-analarǵa tólenetin memlekettik járdemaqylardyń mólsheri de ulǵaıtylǵan. Al tabysy kedeılik sheginen tómen otbasylarǵa qosymsha ataýly áleýmettik kómek kórsetiledi.
Kópbalaly analardyń mártebesin arttyrý maqsatynda «Kúmis alqa» jáne «Altyn alqa» ıegerlerine ómir boıy aı saıyn memlekettik járdemaqy tólenedi.
Atalǵan sharalar otbasy ınstıtýtyn nyǵaıtýǵa, ana men balanyń ál-aýqatyn arttyrýǵa jáne elimizdegi demografııalyq saıasatty qoldaýǵa baǵyttalǵan.
Eske sala keteıik, buǵan deıin Memlekettik áleýmettik saqtandyrý qory dekrettik tólemderge baqylaý kúsheıtiletindigin málimdegen bolatyn.
