Qaıǵyly oqıǵa Qosshyǵululy kóshesi, 23/2 mekenjaıyndaǵy turǵyn úıde bolǵan. Aldyn ala málimet boıynsha, búldirshin terezeden masaǵa qarsy qoıylǵan torǵa súıengen kezde qulap ketken.
Aýyr jaraqat alǵan qyz oqıǵa ornynda kóz jumdy. Oqıǵa ornyna jedel túrde qutqarýshylar, dárigerler jáne polısııa qyzmetkerleri jetken.
Kýágerlerdiń aıtýynsha, arnaıy qyzmet kólikteriniń úıge jaqyndaýyna aýladaǵy retsiz qoıylǵan avtokólikter kedergi keltirgen.
Mamandar masaǵa qarsy qoıylatyn torlardyń balanyń salmaǵyn kótere almaıtynyn únemi eskertip keledi.
Astana qalalyq polısııa departamentiniń málimetinshe, atalǵan fakti boıynsha qylmystyq is qozǵaldy.
«Qazirgi ýaqytta oqıǵanyń barlyq mán-jaıy anyqtalyp jatyr», – dep habarlady vedomstvo.
Osyǵan baılanysty polısııa ata-analardy qaýipsizdik talaptaryn qatań saqtaýǵa shaqyrady:
- balalardy qaraýsyz qaldyrmaý;
• bala bar kezde terezeni ashyq qaldyrmaý;
• masaǵa qarsy torlarǵa senim artpaý, sebebi olar balanyń salmaǵyn kótere almaıdy;
• terezelerge arnaıy bekitkishter men qaýipsizdik qulyptaryn ornatý;
• balalardyń terezege ózdiginen jaqyndaýyna jol bermeý úshin jıhazdardy tereze mańynan alys ornalastyrý.
Mamandardyń aıtýynsha, jaz mezgilinde terezeden qulaý oqıǵalary jıileıdi. Sondyqtan ata-analar balalardyń qaýipsizdigine erekshe mán berýi qajet.
