Belgili bolǵandaı, bul kompanııalar men jeke kásipkerler azamattarmen jalǵan eńbek qatynastaryn rásimdep, sol arqyly áleýmettik tólemderdi zańsyz alýǵa múmkindik jasaǵan. Nátıjesinde 4,4 myńnan astam adam dekrettik tólemder men jumysynan aıyrylýyna baılanysty beriletin járdemaqylardy negizsiz rásimdegen.
Qazirgi tańda Qazaqstannyń 13 óńirinde atalǵan faktiler boıynsha 38 qylmystyq is qozǵaldy. Onyń ishinde 9 qylmystyq is boıynsha sot aıyptaý úkimin shyǵardy.
Aqtóbe, Mańǵystaý, Qyzylorda, Shyǵys Qazaqstan jáne basqa da oblystarda zańsyz áreketti uıymdastyrǵan 12 adam kináli dep tanyldy.
