Foto: istockphoto.com
2025 jyly KEGOC jóndeý naýqanyn jospardan 18%-ǵa artyǵymen oryndap aıaqtady. Investısııalyq baǵdarlama naqty 99,5 mlrd teńgege ıgerildi. 2026 jyly jalpy ınvestısııa kólemi 181,9 mlrd teńge deńgeıinde josparlanǵan.
Qazirgi kezeńde KEGOC «Qazaqstannyń biryńǵaı energetıkalyq júıesiniń Ońtústik aımaǵynyń elektr jelisin kúsheıtý» jáne «Batys Qazaqstannyń energetıkalyq júıesin Qazaqstannyń biryńǵaı energetıkalyq júıesimen biriktirý» jobalaryn júzege asyrýdy jalǵastyryp jatyr. Prezıdenttiń tapsyrmasy boıynsha olardy iske asyrý merzimderi qysqartyldy. Jumystar kestege sáıkes júrgizilýde.
Jıynda Ulttyq elektr jelisin 2035 jylǵa deıin damytý boıynsha perspektıvaly jobalar jeke qarastyryldy, ol shamamen 7 myń shaqyrym jańa elektr berý jelilerin salýdy kózdeıdi.
KEGOC sıfrlandyrý jáne JI-ni qoldaný aıasynda energııa júıesiniń jumys rejımderin jáne jańartylatyn energııa kózderi óndirisin onlaın baqylaý, boljaý, derekterdi taldaý jáne óndiristik prosesterdi avtomattandyrý jobalaryn júzege asyryp jatyr. Iske asyrylǵan sıfrlyq jáne ıntellektýaldy sheshimderdiń jıyntyq áseri 16,6 mlrd teńgeden asty.
