Álem • Búgin, 10:14

AQSh-ta ushaq ushý jolaǵynda adamdy qaǵyp ketti

20 ret

kórsetildi

1 mın

oqý úshin

Amerıkalyq «Frontier Airlines» áýe kompanııasynyń «Airbus A321» ushaǵy Denver halyqaralyq áýejaıynda ushý jolaǵynda adamdy qaǵyp, mert qyldy. Qaıǵyly oqıǵa 8 mamyr kúni keshke bolǵan, dep habarlaıdy Egemen.kz.

Qyrmyzy JUMAǴALIQYZY

AQSh-ta ushaq ushý jolaǵynda adamdy qaǵyp ketti

Foto: Ashyq derekkóz

Áýejaı ákimshiliginiń málimetinshe, belgisiz er adam qorshaýdan asyp túsip, ushý-qoný jolaǵyna shyǵyp ketken. Sodan birneshe mınýt ótken soń, ekpin ala bastaǵan ushaq ony qaǵyp ketti. Qaza tapqan adamnyń jeke basy áli anyqtalǵan joq. Bılik ókilderi onyń áýejaı qyzmetkeri emestigin aıtyp otyr.

AQSh Kólik mınıstri Shon Daffı bul árekettiń qaýipsizdik erejelerin óreskel buzý ekenin málimdedi.

Astanadan Frankfýrtqa ushqan ushaq Aqtóbege shuǵyl qondy

Ushaq bortynda barlyǵy 231 adam (224 jolaýshy jáne 7 ekıpaj múshesi) bolǵan. Soqtyǵysýdan keıin ekıpaj qozǵaltqyshtardyń birinen órt shyqqany týraly sıgnal alyp, ushaqty shuǵyl toqtatqan. Jolaýshylar evakýasııalanyp, salon ishinde tútin paıda bolǵan.

Áýe kompanııasynyń habarlaýynsha, evakýasııa kezinde 12 adam jeńil jaraqat alǵan.

AQSh áýejaıynda ushaq qoný kezinde aýdarylyp ketken

Qazirgi ýaqytta Denver polısııasy men AQSh-tyń Kóliktegi qaýipsizdik jónindegi ulttyq keńesi tergeý júrgizip jatyr. Mamandar áýejaı qorshaýlaryn tekserip, bóten adamnyń strategııalyq nysanǵa qalaı kirip ketkenin anyqtaýǵa kirisken.