Foto: Ashyq derekkóz
Mınıstr mamyr aıynyń ekinshi jeksenbisinde toılanatyn bul merekeniń mán-maǵynasyna toqtalyp, anany meıirim men izgiliktiń shýaǵy, otbasy berekesiniń altyn dińgegi dep atady.
«Ana – ár adam úshin eń qymbat uǵym. Meıirimniń bastaýy, izgiliktiń shýaǵy, otbasynyń berekesi men urpaq tárbıesiniń altyn dińgegi.
Qazaq dúnıetanymynda ana beınesi qashanda aıryqsha qasterlengen. Ananyń aqyly men ónegesi, sabyry men meıirimi arqyly urpaqtan urpaqqa qurmet, izet, janashyrlyq, jaýapkershilik sııaqty asyl qundylyqtar jalǵasyp keledi. Bul qundylyqtar – halqymyzdyń rýhanı tutastyǵy men eldigimizdiń berik negizi», dedi Aıda Balaeva.
Sonymen qatar mınıstr memleket tarapynan júzege asyrylyp jatqan ana men balany qoldaý sharalaryna da toqtaldy. Búginde elimizde otbasy ınstıtýtyn nyǵaıtýǵa baǵyttalǵan memlekettik saıasat júıeli júrip jatqanyn, Otbasyn qoldaý ortalyqtary men Analar keńesiniń jumysy nátıjeli ekenin tilge tıek etti.
«Osy aıtýly kúni barsha analarǵa danalyǵy, tózimi, meıirimi men aq nıeti úshin shyn júrekten alǵys aıtamyn. Analarymyz aman, shańyraqtarymyz shattyqqa toly bolsyn!
Anamyzben birge ótkizgen árbir sáttiń qadirin tereń sezindiretin merekemen barshańyzdy shyn júrekten quttyqtaımyn!
Otbasylaryńyzǵa jylýlyq, mahabbat, bereke-birlik pen amandyq tileımin!», dedi Aıda Balaeva.
