Túrkitanýshylar bas qosty

Keshe L.Gýmılev atyndaǵy Eýrazııa ulttyq ýnıversıtetinde «Túrki álemi: tarıh jáne qazirgi zaman» atty halyqaralyq túrkitaný sımpozıýmy ótti. Táýelsizdigimizdiń 20 jyl­dyǵyna oraı ótkizilip otyr­ǵan is-sharany Bilim jáne ǵylym, Mádenıet mınıstrlikteri, Lev Gýmılev atyndaǵy Eýrazııa ult­tyq ýnıversıteti, Prezıdenttik mádenıet ortalyǵy, Túrki aka­demııasy, Túrkııa Res­pýblıkasy úkimeti janyndaǵy áriptestik jáne damý jónindegi Túrkııa bas­­qarmasy uıym­das­tyryp otyr. Bul sımpozıýmdy ótkizýge – daıyndyq Eýrazııa ýnıversıtetinde 2010 jyldyń qyrkúıek aıy­nan bastalǵan bolatyn. So­ǵan oraı, ýnıversıtette túrkologııa kafe­drasynyń ashyl­ǵa­nyn da aıta ketken jón. So­ny­men qatar, osy sala boıynsha bakalavr, magıstr jáne doktoranttar daıarlaý isine de mán berilip otyr edi. Ol ha­lyqaralyq túrko­lo­gııalyq baı­la­nystar men qu­qyqtyq jáne ǵy­lymı negizde bilim berýdegi árip­testikti damy­týdy kózdeıdi. Eki kúnge josparlanǵan kon­fe­rensııanyń ashylý salta­na­tynda ýnıversıtet rektory B.Ábdiraıym quttyqtaý sóz sóı­ledi. Ol: «Túrkologııa sala retinde tanyla bastaǵannan beri, ǵylymǵa kóptegen jańalyqtar engizýde. Elbasynyń bastama­sy­men Qazaqstanda Túrki aka­de­mııa­sy quryldy. Sonyń nátı­je­sinde túrkitanýdyń órisi keńeıe tústi. Bizdiń ýnıversıtette túrkologııa kafedrasy quryldy. Bul sala álem bolyp, túrki memleketteri bolyp aqyldasatyn ǵy­lym. Búgingi jıynnyń da halyq­aralyq tarıhı mańyzy bar shara ekeni daýsyz», – deı kele, konferensııa jumysyna sáttilik tiledi. Keń kólemdegi sımpozıýmdy ótkizýdiń maqsaty – túrkolo­gııa­nyń damý órisi men ózekti máse­le­lerin talqylaý, biryńǵaı aqparat­tyq jáne mádenı keńistik pen túrki áleminiń qaýymdas­ty­ǵyn qu­rý. Iаǵnı, olar TÚRKSOI, TúrkPA (Parlamenttik Assambleıa) syndy ózge de iri ınstıtýttarmen teńese otyryp, aýqymdy áleýmettik kataklızm men oqı­ǵalar oryn alǵan jaǵdaıda túrki álemi elderin ıntegrasııalaýǵa sebep bolmaq. Túrkitaný sımpozıýmynyń al­ǵashqy kúnindegi plenarlyq má­jilistiń sońy Prezıdenttik má­denıet ortalyǵynda ótken kon­sertke ulasty. Juldyz BAIDILDA.