Qylmyspen kúres talqylandy

Keshe elordada Shanhaı yntymaqtastyq uıymyna múshe memleketterdiń ishki ister jáne qoǵamdyq qaýipsizdik mınıstrleriniń ekinshi keńesi bolyp ótti. Oǵan Qytaı Halyq Respýblıkasy Memlekettik Keńesiniń múshesi – Qoǵamdyq qaýipsizdik mınıstri Men Szıanchjý jáne Reseı Federasııasynyń, Qyrǵyz, Tájikstan, О́zbekstan respýblıkalarynyń ishki ister mınıstrleri qatysty. Keńeste sóz alǵan Ishki ister mınıstri Qalmuhanbet Qasymov atalǵan sharanyń ShYU-nyń qu­ryl­ǵa­ny­na 10 jyl tolý qar­sa­ńynda ótip otyr jáne bul bizdiń kóp qyrly yntymaqtastyǵy­myz­dyń odan ári damı túskendigin bildiredi dedi. 2009 jyly Reseı­diń usy­nysy boıynsha Ekaterınbýrgte ótkizilgen birinshi keńeste qyl­mys­pen birlese kúresý jáne ózara tájirıbe almasýdyń jalpy baǵyttary talqylanǵan edi. Bul jolǵy kezdesýde atalǵan baǵyt­taǵy yntymaqtastyqty odan ári nyǵaıta túsetin mańyzdy máse­le­ler qaralmaq. Sonyń ishinde Qa­zaqstan tarapy uıymdasqan qyl­mys­pen kúres, esirtkiniń zańsyz aınalymy, zańsyz kóshi-qon jáne t.b. máselelerdi or­taǵa salaty­nyn mınıstr aıtyp ótti. Budan keıin sóz sóılegen ShYU-nyń Bas hatshysy Murat­bek Imanálıev uıymnyń quryl­ǵa­nyna 10 jyl tolý qarsańynda onyń ekinshi keńesiniń Astana qa­lasynda ótip otyrǵany úlken mańyzdylyqty bildiredi dedi. Búgingi tańda uıymdasqan qyl­mys­pen jáne esirtkiniń zańsyz aınalymyna qarsy kúres birtindep jandanyp keledi. Biraq, so­nymen qatar, olarmen birge jańa qaterlerdiń de bas kótere bas­ta­ǵany belgili. Olarmen kúres ba­rysynda ShYU memleketteriniń aldyna úlken mindet júkteledi. Bul oraıda Shanhaı ynty­maq­tastyq uıymyna múshe memle­ket­terdiń ishki ister jáne qoǵamdyq qaýipsizdik mınıstrleriniń keńesi úlken mańyz atqarady. О́zara túsnistik pen syndarly jaıda ótken keńes qorytyn­dy­synda qylmysqa qarsy kúreste alty eldiń ishki ister organ­dary­nyń yntymaqtastyǵyn damytýǵa baǵyttalǵan keshendi is-sharalar­dy qamtıtyn hattamaǵa qol qoıyl­dy. Aleksandr TASBOLATOV.