Alqaly jıynnyń kún tártibinde uıymdyq másele qaraldy. Farhad Shaımuratuly «Nur Otan» partııasy oblystyq fılıalynyń tóraǵasy qyzmetine oblys ákimi Q.Aqsaqalovtyń kandıdatýrasyn usynyp, memlekettik, sharýashylyq qyzmetterdegi eńbek jolymen, basshylyqta jınaqtalǵan mol tájirıbesimen qysqasha tanystyryp ótti. Konferensııa delegattary usynysty biraýyzdan qoldady.
Qumar Irgebaıuly jınalǵandarǵa arnaǵan sózinde ózine úlken senim bildirgeni úshin alǵys aıtyp, alda turǵan saıası-ıdeologııalyq talaptarǵa toqtaldy. Bul rette konstıtýsııalyq reformalardan Elbasynyń «Qazaqstannyń Úshinshi jańǵyrýy: jahandyq báskege qabilettilik» Joldaýynan, «Bolashaqqa baǵdar: rýhanı jańǵyrý» maqalasynan týyndaıtyn basty qaǵıdattarǵa erekshe ekpin túsirip, delegattar nazaryn jedel sheshimin tabatyn máselelerge aýdardy.
Agroónerkásiptik keshendi, ınfraqurylymdy, jumyspen qamtýdy, aýyldaǵy kásipkerlikti, turǵyn úı qurylysyn damytý baǵdarlamalarynan týyndaıtyn mindetterdi sheshýde partııa múshelerinen belsendilik, iskerlik, zor uıymdastyrýshylyq qasıetter qajet etiledi. Saıası, ekonomıkalyq qaıta qurýlardyń zańdy jalǵasy bolyp tabylatyn rýhanı jańǵyrýdyń úlgili úderisterin tájirıbege aınaldyra otyryp, Elbasy usynǵan jobalarǵa bir kisideı qatysýdyń mańyzy zor. Bıznes jáne sharýa qojalyqtary ókilderi esebinen partııa qataryn tolyqtyrý, sapalyq quramǵa basa kóńil bólý, qoǵamdyq baqylaýdy kúsheıtý tapsyrmalary júkteldi.
Kezekten tys konferensııada jergilikti bólimshe tóraǵasynyń birinshi orynbasary Artýr Moldaǵulov bıyl atqarylǵan jumystar týraly baıandama jasady.
Jıynda fılıaldyń saıası keńesi men bıýrosynyń jańa quramy saılandy.
О́mir ESQALI,
«Egemen Qazaqstan»
Soltústik Qazaqstan oblysy
