foto: UOK
Sheshýshi básekede Jibek reseılik Ekaterına Iаshınamen birge Elına Neplıı men Ksenııa Loskýtova tandeminen basym tústi.
Bas júlde sarapqa salynǵan fınaldyq match óte tartysty ótti. Alǵashqy partııada jol bergenine qaramastan, Qulambaeva men Iаshına ekinshi sette oıyn tizginin qolǵa alyp, jeńisti shırelenisti ótken sýper-taı-breıkte julyp aldy. Qorytyndy esep – 5:7, 6:4, 10:6. Aıta keterligi, bul tabys otandasymyz úshin alǵan jaraqatynan aıyǵyp, kortqa qaıta oralǵannan keıingi osy maýsymdaǵy alǵashqy tıtýl.
Juptyq syndaǵy jeńisten bólek, Jibek jekeleı kestede de basty júlde úshin kúresti jalǵastyryp keledi. Jartylaı fınaldyq kezdesýde Qulambaeva (WTA №419) jergilikti tennısshi Zeel Desaıdy (№583) senimdi túrde qapy qaldyrdy. Endi Nagpýrdaǵy ekinshi tıtýl úshin ótetin fınalda qazaqstandyq sportshy Úndistannyń taǵy bir ókili Sonal Patılmen (№1159) kezdesedi.
Tórt birdeı tennısshimiz álemdik reıtıngtiń TOP-10 tizimine endi
Aıta keteıik, 10-11 sáýir kúnderi Jibek Qulambaeva Qazaqstan quramasy sapynda álemdik komandalyq chempıonat – Billie Jean King Cup týrnıriniń irikteý kezeńine qatysady. Astanada ótetin bul synda bizdiń qurama Kanada komandasyna qarsy oınaıdy.
Elena Rybakına Miami týrnıriniń jartylaı fınalynda Sobolenkoǵa ese jiberdi
