foto: Nazarbaev ýnıversıteti
Bul – Qazaqstanda resmı túrde tirkelgen alǵashqy medısınalyq ekzoskelet. Qurylǵy tómengi aıaq-qol qozǵalysyn qalpyna keltirýge kómektesedi jáne jasandy ıntellekt arqyly pasıenttiń jaǵdaıyna qaraı júktemeni avtomatty túrde retteıdi.
Júıe begovaıa dorojka, ilgish júıe jáne sensorlarmen jabdyqtalǵan robottyq karkastan turady. Mamandardyń aıtýynsha, tehnologııa reabılıtasııalyq jáne travmatologııalyq ortalyqtarda naqty klınıkalyq jaǵdaıda qoldanylatyn bolady.
Jobany ázirleýshilerdiń biri, robototehnıka kafedrasynyń assıstent-professory Aıbek Nıetkalıevtiń aıtýynsha, ekzoskelet qoldanystaǵy sheteldik analogtarǵa qaraǵanda shamamen úsh ese arzan bolýy múmkin.
Eske salaıyq, Qazaqstanda ınsýlttiń aldyn alý jáne emdeý júıesin jetildirý baǵytyndaǵy jumystar nátıjesinde ınsýlttan bolatyn ólim-jitim 4 paıyzǵa tómendegenin jazǵan bolatynbyz.
Sondaı-aq Qazaqstanda ınsýltti erte dıagnostıkalaýǵa arnalǵan jasandy ıntellekt júıesi birqatar óńirde ólim-jitim kórsetkishin 40%-ǵa azaıtýǵa septigin tıgizgeni habarlandy.
