«Buryn-sońdy bolmaǵan geosaıası dúrbeleńder kezinde memleketterimiz úılesimdi is-qımyl arqyly ekonomıkalarynyń ornyqty damýyn, álemdik naryqtaǵy básekege qabilettiligin qamtamasyz ete aldy.
Qazir bizdiń aldymyzda Eýrazııa ekonomıkalyq odaǵynyń áleýetin odan ári arttyryp, qarqyndy damytý jóninde strategııalyq mańyzdy mindet tur.
Dúnıejúzilik sharýashylyq baılanystarynyń baǵdary jappaı ózgerip jatqan kezeńde biz teris sıpattaǵy jahandyq úrdisterge tótep berý úshin kúsh-jigerimizdi jumyldyrýymyz kerek.
Álemdik naryqtaǵy ahýal kúrdeli, tipti kóp jaǵdaıda boljap bile almaısyz. О́zimizge etene tanys ekonomıkalyq synaqtarǵa qosa, sıfrlyq salada aýqymdy ózgerister bolyp jatyr. Bul kóp uzamaı «oıyn erejesin» tolyqtaı jańartady.
Prezıdent Qazaqstandy sıfrlyq memleketke aınaldyrý úshin jasalyp jatqan júıeli qadamdarǵa toqtaldy.
«Qazaqstan «aqyldy» platformalardy memlekettik basqarý júıesi men ekonomıkanyń negizgi sektorlaryna tabysty engizýde.
Byltyr halyqqa Joldaýymda Qazaqstandy sıfrlyq elge aınaldyrý jóninde mindet júktedim.
Bul jumysqa júıeli sıpat berý úshin bıyl, ıaǵnı, 2026 jyl elimizde Jasandy ıntellekt jáne sıfrlyq damý jyly bolyp jarııalandy.
Bolashaqtyń baǵdaryn aıqyndaı otyryp, biz azamattardyń sıfrlyq ortadaǵy qaýipsizdigine basa mán beremiz.
Qazaqstannyń jańa Konstıtýsııasynda alǵash ret derbes málimetterdi qorǵaý quqyǵy bekitildi, sonyń ishinde sıfrlyq tehnologııalardy qoldana otyryp, derekterdi zańsyz jınaýǵa, óńdeýge, paıdalanýǵa tyıym salyndy. Muny, shyn máninde, óte mańyzdy konstıtýsııalyq mindet dep sanaımyz.
Instıtýsıonaldyq negizdi nyǵaıtyp, ınnovasııany keshendi túrde engizý maqsatynda Jasandy ıntellekt jáne sıfrlyq damý mınıstrligi quryldy.
Jasandy ıntellektini damytý jónindegi keńesti qurý da paıdaly sharanyń biri boldy. Atalǵan konsýltatıvtik organ quramy jetekshi sheteldik jáne otandyq sarapshylardan, bıznes pen memlekettik mekemelerdiń ókilderinen jasaqtaldy».
Sonymen qatar, Memleket basshysy «Qazaqstan jedel sıfrlyq transformasııany sapaly túrde júrgizý úshin EAEO memleketterimen seriktestikke jáne yntymaqtastyqqa ashyq» ekenin jetkizdi.
«Budan bólek, biz barlyq qajetti ınfraqurylymdy jedel damytýdy qolǵa aldyq.
Qazaqstan óńirimizde birinshi bolyp, osy saladaǵy álemdik kóshbasshy sanalatyn NVIDIA kompanııasynyń ozyq tehnologııalary negizinde eki sýperkompıýterdi iske qosty.
«Derekterdi óńdeý ortalyqtarynyń alqabyn» qurý basty mindet retinde jarııalandy. Bul aýqymdy joba jahandyq kapıtal men álemdik tehnologııalyq alpaýyttar úshin tartymdy ortaǵa aınaldy.
Sonymen qatar adamı kapıtalǵa qomaqty qarjy quıyp jatyrmyz. Halyqaralyq Alem.ai ortalyǵy janynan Tumo jáne Tomorrow school jańa býyn mektepteri, sondaı-aq álemge belgili birqatar kompanııanyń (Telegram, Presight) zerthanalary ashyldy.
Eki apta buryn «Qazaqstan Respýblıkasynyń orta bilim berý júıesine jasandy ıntellektini endirý jónindegi sharalar týraly» Jarlyqqa qol qoıdym.
Maqsatymyz – derbes bilim berýge den qoıa otyryp, pedagogterdiń biliktiligin arttyrý, ınfraqurylym men oqý standarttaryn damytý.
Qazaqstan jedel sıfrlyq transformasııany sapaly túrde júrgizý úshin EAEO memleketterimen seriktestikke jáne yntymaqtastyqqa ashyq».
Sonymen qatar forýmnyń plenarlyq sessııasynda Reseı Prezıdenti Vladımır Pýtın, Belarýs Prezıdenti Aleksandr Lýkashenko, Qyrǵyzstan Prezıdenti Sadyr Japarov, Armenııa vıse-premeri Mger Grıgorıan, Kýba Respýblıkasynyń vıse-prezıdenti Salvador Valdes Mesa, Vetnam Premer-mınıstriniń orynbasary Ho Kýok Zýng, Mońǵolııa Premer-mınıstriniń orynbasary Nıamtaıshıryn Nomtoıbaıar, Eýrazııalyq ekonomıkalyq komıssııa alqasynyń tóraǵasy Baqytjan Saǵyntaev sóz sóıledi.
