Talǵat Jaılaýov jattyqtyratyn komanda toptaǵy sońǵy oıynyn Fransııa quramasyna qarsy ótkizdi. Kezdesýdiń negizgi ýaqyty 1:1 esebimen aıaqtaldy. Aldymen fransýz hokkeıshisi Flavıan Daır esep ashsa, keıin Dmıtrıı Breýs tarazy basyn teńestirdi.
Overtaımda jeńimpaz anyqtalmaǵan soń match býllıtter serııasyna ulasty. Sheshýshi sátte Qazaqstan quramasy 3:2 esebimen basym tústi.
Týrnır barysynda qazaqstandyq hokkeıshiler Lıtvany 4:1, Japonııany 6:0, Polsha quramasyn 3:2 jáne Ýkraınany býllıtter serııasynda 5:4 esebimen jeńdi.
Osylaısha, Qazaqstan quramasy álem chempıonatynyń birinshi dıvızıonynda birde-bir matchta jeńilmeı, joǵary dıvızıonǵa qaıta oraldy.
Eske salaıyq, sáýir aıynda Astananyń «Barys» hokkeı klýbynda uzaq jyl óner kórsetip, 2007 jyly Qazaqstannyń úzdik hokkeıshisi atanǵan Talǵat Jaılaýov hokkeıden ulttyq quramanyń tizginin ustaǵan bolatyn.
