Alǵash bolyp bul týraly Threads qoldanýshylary jaza bastady. Keı adamdardyń aıtýynsha, olar birneshe myńnan asa oqyrmanyn joǵaltqan. Eń qyzyǵy – bul statıstıkada kórinbeıdi, tek paraqshany jańartqan kezde aýdıtorııa sany azaıyp ketedi.
Kópshilik muny Instagram-nyń bottar men jalǵan akkaýnttardy jappaı óshirýimen baılanystyrýda. Paıdalanýshylardyń pikirinshe, mundaı «óli» akkaýnttar statıstıkany buzyp, qaralym men belsendilikke keri áser etedi. Sondyqtan keıbireýler bul tazartýdy paıdaly ózgeris dep qabyldaǵan.
Meta kompanııasy bul jaǵdaıǵa resmı túsinikteme bermegenimen, sheteldik BAQ mundaı ózgeriske 2026 jyly engizilgen jańa jasandy ıntellekt júıeleriniń qatysy bolýy múmkin ekenin jazdy. Atalǵan tehnologııa kúmándi profılderdi, jalǵan belsendilikti, alaıaqtyq shemalardy jáne ataqty adamdardyń atyn jamylǵan akkaýnttardy anyqtaýǵa kómektesedi.
Kompanııa málimetinshe, 2025 jyldyń ózinde Facebook pen Instagram-nan 159 mıllıonnan astam kúmándi akkaýnt óshirilgen. Olardyń kóbi qoldanýshylar shaǵymdanbaı turyp-aq buǵattalǵan.
Aıta keteıik, áleýmettik jelilerde, ásirese Threads platformasynda, «jar izdeımin», «kúıeý izdeımin», «baıypty qarym-qatynas izdep júrmin» degen tanysýǵa shaqyratyn jazbalar jıilep ketkendikten polısııa jelidegi tanystyqtan saq bolýǵa shaqyrǵan edi.
