foto: Foto Polisia.kz
Reıd barysynda polısııa qyzmetkerleri kóńil kóterý mekemesiniń ishinde ata-anasyz júrgen jasóspirimdi tapqan. Zań boıynsha túngi ýaqytta kámeletke tolmaǵan balalar ata-anasynyń nemese zańdy ókilderiniń baqylaýynda bolýy tıis.
Tekserý qorytyndysy boıynsha klýb ıesine qatysty ákimshilik is qozǵaldy. Ýákiletti organ mekeme jumysyn úsh aıǵa toqtatý týraly sheshim qabyldady. Sonymen qatar klýb 129 750 teńge kóleminde aıyppul tóleýge mindetteldi.
Jetisý aýdandyq polısııa basqarmasynyń basshysy Ilııas О́mirserikov mundaı jaǵdaılarǵa jol berýge bolmaıtynyn aıtty. Onyń sózinshe, oıyn-saýyq oryndarynyń ıeleri kámeletke tolmaǵandardyń qaýipsizdigi men quqyqtaryn qorǵaý talaptaryn qatań saqtaýy qajet.
Polısııa aldaǵy ýaqytta da mundaı reıdter turaqty túrde jalǵasatynyn málimdedi. Buǵan deıin Almaty polısııasy Gandı saıabaǵynda otshashý atqandardy izdep jatqanyn jazǵan bolatynbyz. Kýágerlerdiń aıtýynsha, pırotehnıka salynǵan qorap aýdarylyp qalyp, snarıadtar jan-jaqqa, sonyń ishinde adamdarǵa qaraı ushqan.
