Foto: Polisia.kz
Qylmys beınebaqylaý júıeleriniń kómegimen ashyldy. Oqıǵa qala kósheleriniń birinde tirkelgen. Belgisiz tulǵalar 4 kamerany qasaqana syndyrǵan. Saldarynan 700 myń teńgeden astam materıaldyq shyǵyn keltirildi.
Ishki ister mınıstrliginiń aqparatyna sáıkes, tergeý barysynda oqıǵanyń túngi saǵat 01:00 shamasynda bolǵany anyqtaldy. Betterin maskamen jasyrǵan eki jigit uzyn aǵashpen kameralardy isten shyǵarǵan.
Polıseıler qylmysty ashý kezinde jaqyn mańdaǵy beınebaqylaý júıeleriniń jazbalaryn muqııat zerdeledi. Nátıjesinde kúdiktilerdiń qozǵalys baǵyty anyqtalyp, jedel-izdestirý sharalary arqyly qolǵa tústi.
Aqmola oblysynda jalǵan qujat jasamaq bolǵan kúdikti ustaldy
Atalǵan derek boıynsha bótenniń múlkin qasaqana joıý nemese búldirý faktisimen qylmystyq is qozǵalyp, sotqa deıingi tergeý amaldary júrgizilip jatyr.
«Aldyn ala málimetke sáıkes, kúdiktiler jol erejesin buzǵany úshin salynǵan aıyppulǵa ashýlanyp, osy áreketke barǵandaryn moıyndaǵan. Polısııa azamattardy qoǵamdyq múlikke uqyppen qarap, zań talaptaryn saqtaýǵa shaqyrady», delingen polısııa habarlamasynda.
Shalqardaǵy jappaı tóbeles: Jasóspirimniń ólimine qatysty úsh kúdikti ustaldy
