Atap aıtqanda, Almaty, Semeı, Qaraǵandy, Shymkent jáne Taraz qalalarynan kelgen 17-25 jas aralyǵyndaǵy 24 ónerpaz saıysqa tústi. Bul týraly oqý ornynyń aqparattyq-ımıdjdik qyzmeti habarlady.
О́ner dodasynyń maqsaty – jastardyń rýhanı-adamgershilik jáne kórkemdik-estetıkalyq damýyn qalyptastyrý, án ónerin nasıhattaý, jańa talant ıelerin izdeý, jastar arasynda ánshilik óneriniń kásibı deńgeıde kóterilýine jol ashý. Sondaı-aq, óskeleń urpaqty otansúıgishtikke tárbıeleý, qazaqstandyq kompozıtorlardyń patrıottyq turǵydaǵy shyǵarmalaryna qoldaý kórsetý jáne otandyq mýzykalyq týyndylardyń básekelestik áleýetin arttyrý.
Taraz memlekettik pedagogıkalyq ınstıtýtynyń Tárbıe isi jáne áleýmettik máseleler jónindegi prorektory Orynqyz Joldasova ınstıtýt rektory Darııa Qojamjarovanyń saıysqa qatysýshylarǵa joldaǵan quttyqtaý hatyn oqyp berdi.
– Ultymyzdyń uly aqyny, hakim Abaı: «Qulaqtan kirip boıdy alar, ásem án men tátti kúı...» dep mýzykanyń sana-sezimge, kóńil-kúıge áserin áspettep jetkizgen. О́ner zertteýshileriniń keltirgen derekterine qaraǵanda, qazaq halqynda 5 myńnan asa kúı, 12 myńǵa jýyq án bar eken. Bul – ulttyq mýzyka óneriniń san ǵasyrlyq damý tarıhynyń aıqyn kórinisi, birden-bir nyshany. Kıiz týyrlyqty qazaqtyń baı mýzykalyq murasyn zerttegen etnograf-ǵalym Aleksandr Zataevıch: «Maǵan búkil qazaq dalasy án salyp turǵandaı bolyp kórinedi» dep beker aıtpasa kerek-ti. «Ustazdar ustahanasy» dep áspetteletin pedagogıkalyq oqý ordasynyń jartyǵasyrlyq mereıtoıyna oraı uıymdastyrylyp otyrǵan búgingi shara saǵyndyrǵan sonaý jyldardy ánniń qudiretimen eske túsiretin, kóziqaraqty kórermenniń kózaıymyna aınalatyn, jańa talanttardy anyqtaýǵa septesetin kesh bolatynyna senimdimin, – delingen rektor quttyqtaýynda.
О́ner jarysy eki kezeń boıynsha júrgizildi. «Zamana sazy» atty alǵashqy týrda qatysýshylar erlik pen eldiktiń shejireli betteri jyrlanǵan ótken ǵasyrdyń 70-90 jyldaryndaǵy retro ánderdi oryndasa, «Elim meniń» kezeńinde Otan, el, jer, táýelsizdik týraly patrıottyq mýzykalyq shyǵarmalardy kópshilikke usyndy.
Saıysqa Qazaqstan Respýblıkasynyń Mádenıet qaıratkerleri, belgili ánshiler men sazgerler qazylyq jasady. Festıval barysynda qatysýshylar ánniń baıqaý taqyrybyna sáıkes bolýy, vokaldyq erekshelikteri, shyǵarmanyń kórkemdik deńgeıi, oryndaýshylyq mashyǵy, saıyskerlerdiń jas shamasy men repertýar kúrdeliliginiń sáıkes bolýy, ártistik sheberligi, mýzykanyń kásibı deńgeıde óńdelýi, oryndaýshynyń kórkemdik-sahnalyq beınesi jáne kıim úlgisi syndy talaptar boıynsha baǵalandy.
– Baıqaýda baǵyn synaýshylardyń daıyndyqtary joǵary deńgeıde ekenin atap ótken abzal. Olar saıys kezeńderinde qarym-qabiletterin barynsha kórsetýge tyrysty. Osy oraıda aıta ketken jón, bul joba jastarǵa úlken múmkindik syılaıdy. Olar óz boıyndaǵy ónerin ǵana kórsetip qoımaıdy, sondaı-aq joǵary oqý ornynyń maman vokalısterimen de jumys istep, dáris alady. Bul keleshekte kásibı ánshi retinde shyńdala túsýine sep bolmaq. Sonymen qatar, mundaı baıqaý óńirimizde alǵash ret uıymdastyrylyp otyrǵandyǵyn da aıta ketkimiz keledi, – deıdi qazylar alqasynyń músheleri.
Uıymdastyrýshylardyń aıtýynsha, qatysýshynyń qandaı án oryndaıtyndyǵy mańyzdy emes. Bastysy – olar óz óneri arqyly mýzykanyń ómirindegi alar oryny men áserin sheber pash ete bilýi tıis.
Baıqaý qorytyndysy boıynsha festıvaldiń bas júldesin jekeleı oryndaýshylardyń arasynda Ońtústik Qazaqstan memlekettik pedagogıkalyq ınstıtýtynyń stýdenti Aıkerim Táji, toptyq oryndaýshylar arasynda E. Bóketov atyndaǵy QarMÝ stýdentterinen quralǵan «Aryn» toby jeńip aldy. 1-orynǵa jekeleı oryndaýshylardyń arasynda Qazaq memlekettik qyzdar pedagogıkalyq ýnıversıtetiniń stýdenti Qanybek Aqyq, toptyq oryndaýshylar arasynda M.H. Dýlatı atyndaǵy TarMÝ-dyń «ArtMen» toby laıyq dep tanylsa, 2-oryndy jekeleı oryndaýshylardyń arasynda TarMPI-dyń stýdenti Samat Erbolat pen M. Áýezov atyndaǵy OQMÝ-dyń stýdenti Gúlman Ǵalymbek, toptyq oryndaýshylar arasynda TarMPI-dyń «Qyzdar Live» toby ózara bólisti. Al, 3-oryn jekeleı oryndaýshylardyń arasynda TarMPI-dyń stýdenti Iаna Vanǵa, OQMPI-dyń stýdentteri Almasqoja Muzapparov pen Dáýit Baratovqa, toptyq oryndaýshylar arasynda «Arlan» tobyna buıyrdy.
Jeńimpazdar arnaıy dıplomdarmen, baǵaly syılyqtarmen marapattaldy.
Jıyn sońy oqý ornynyń óner ujymdary men stýdentteri daıyndaǵan gala-konsertke ulasty.
