Balalar – beıbitshilik elshisi

Ortalyq mýzeı taıaý ýaqytta ǵana Qazaqstan Ulttyq IýNESKO Klýbtary fe­de­­rasııasymen birlesip, IýNESKO-nyń 70 jyldyǵy men Qazaqstan Respýblıkasy IýNESKO jáne ISESKO isteri jónindegi Ult­tyq komıssııasynyń 25 jyldyǵyna oraı «Mitsubishi Asian Children’s Enikki Festa» atty halyqaralyq balalar shyǵarmashylyǵy fes­tı­vali jeńimpazdarynyń kórmesin uıym­das­tyrdy.

Kórmeniń tabysty ótýi úshin mýzeı dı­rek­torynyń mádenı-bilim jumysy jáne syrtqy baılanystar jónindegi orynba­sary Beıbitqalı Qaqabaev zor eńbek si­ńir­di. Atalǵan birlesken is-sharaǵa Qazaq­stan­dyq federasııalar klýbynyń se­nim­di seriktesteri – Almatydaǵy IýNESKO klas­terlik bıýrosynyń dırektory Andreı Sergeevıch Shevelev pen Qazaqstan Res­pýb­lıkasy IýNESKO jáne ISESKO is­teri jónindegi ulttyq komıssııanyń ókili Aqmaral Orazımannyń qatysqanyn da atap ótkimiz keledi. Kórme ashylǵan alǵashqy kúni jádigerlermen tanysýǵa kelgen alǵash­qy qadirmendi qonaqtar balalarǵa shy­ǵar­mashylyq shyńdalý men jetistikter tilep, elimizdiń jarqyn bolashaǵyna degen izgi úmitterin bildirgeniniń ózi mártebe sanalyp otyr. Jyl saıyn balalar baıqaýyn uıymdastyrýshy Qazaqstan Ulttyq IýNESKO­ klýbtary federasııasynyń vıse-pre­zıdenti Serikhan Aıazbaevtyń da esimin osy arada erekshe atap ótkendi jón sanadyq. Bul birlestik balalar shyǵarmashylyǵyn damy­tý jolynda udaıy túrli de aýqymdy is-sharalar uıymdastyryp keledi.

Qazaqstan 2008 jyldan bastap «Mitsubishi Asian Children’s Enikki Festa» jobasyna qatysýshy memleket sanalatynyn aıta ketken jón. Festıval ótken jyldarda Azııa-Tynyq muhıty aımaǵynyń 24 elinen qatysqan 700 myńǵa jýyq bala óz ómirleriniń eń baqytty 5 kúni týraly qyzyqty esselerin baıqaýǵa usyn­ǵan. Bul esselerde baqytty balalyq shaq­ty ańsaǵan baldyrǵandardyń arman-úmiti erek­she kórinis tapqanyn eske salǵanymyz abzal.

Kórmeniń ashylý saltanatynda Halyq­ara­lyq jobanyń Almatydaǵy úsh je­ńim­pazyna uıymdastyrýshylardan este­lik syılyqtar tap­syryldy. IýNESKO Klýbynyń jańa mú­she­­lerine resmı túrde múshelik tólqujattar men tósbelgiler berildi. Baıqaýdyń bas júl­de­sin ıelengen 11 jasar Qabdyrǵalı Ber­den­ge arnaıy medal men dıplom tabystalsa, 10 jasar Ámına Ázıeva «Mitsubishi» kor­po­­ra­sııa­synyń arnaıy júldesine ıe boldy. Bu­dan bólek, 12 jasar Dmıtrıı Lotash Azııa-Ty­nyq muhıty aımaǵynyń IýNESKO Klýb­ta­ry jáne Assosıasııasynyń arnaıy júldesimen marapattaldy.

Almatydaǵy bul kórmeni qysqa merzim ishinde 2000-ge jýyq kórermen tama­sha­la­ǵan eken. О́mirdiń izgi qýanyshtaryn, beı­bit­shi­likti, jasampazdyqty, jańǵyrýdy beınele­gen balalar shyǵarmashylyǵy týyndylary kópshiliktiń ystyq yqylasyna bólendi.

Gúlaıym QYDYRALIEVA,

QR MOM kishi ǵylymı qyzmetkeri

ALMATY