Tekserý barysynda qurylys-montaj jumystarynyń sapasyna, merzimderdiń saqtalýyna jáne nysandardyń zamanaýı talaptarǵa sáıkestigine erekshe kóńil bólindi.
Bas qolbasshy Túrksib aýdanynda jedel maqsattaǵy batalondy ornalastyrý jobasynyń júzege asyrylýyn qarady. 2022 jyldan beri júrgizilip jatqan bul nysanda ǵımarattardy jabdyqtaý jáne ınfraqurylymdy iske qosýǵa daıyndaý jumystary aıaqtalýǵa jaqyn.
Kóktemgi áskerge shaqyrý: О́tinimdi endi onlaın berýge bolady
Keshen quramyna kazarma, ashana, medısınalyq pýnkt, avtopark, ınjenerlik jáne tyldyq qamtamasyz etý nysandary, sondaı-aq kınologııalyq qyzmetke arnalǵan ınfraqurylym kiredi.
Sonymen qatar 5 571 áskerı bóliminde medısınalyq blok pen brıgada bólimsheleri ornalasatyn bes qabatty kópfýnksıonaldy ǵımarattyń qurylysy jalǵasyp jatyr. Nysannyń syıymdylyǵy 400-den astam áskerı qyzmetshini qamtıdy. Al Túrkistan qalasynda 10 gektar aýmaqta áskerı qalashyqtyń negizgi konstrýksııalary men ınjenerlik ınfraqurylym salynyp jatyr.
Sonymen birge, el aýmaǵynda Qyzylorda, Jezqazǵan, Oral jáne Atyraý qalalarynda jańa áskerı qalashyqtar men kazarmalardyń qurylysy jalǵasyp jatyr. Bul quqyqtyq tártip áskerleri úshin zamanaýı jaǵdaı jasaý baǵytyndaǵy júıeli jumystyń dáleli.
Atalǵan jobalardy iske asyrý áskerı ınfraqurylymdy damytýǵa, materıaldyq-tehnıkalyq bazany nyǵaıtýǵa jáne bólimshelerdiń jedel daıyndyǵyn arttyrýǵa baǵyttalǵan.
Sapar qorytyndysy boıynsha Bas qolbasshy qurylys sapasy men qarqynyn arttyrý jóninde birqatar tapsyrma berip, salynatyn nysandar zamanaýı standarttarǵa saı bolýy jáne áskerı qyzmetshilerdiń qajettilikterin tolyq qamtamasyz etýi tıis ekenin atap ótti.
