Foto: ashyq derekkóz
Buǵan deıin bılik bes adamnyń qaza tapqanyn habarlaǵan edi. Keıin taǵy bir áıel aýrýhanada alǵan jaraqattarynan kóz jumdy.
Jaralanǵandar sany da alǵashqy habardan beri artty. Qazir 14 adamnyń jaraqat alyp, aýrýhanaǵa jetkizilgeni belgili boldy. Barlyǵyna qajetti medısınalyq kómek kórsetilip jatyr. Kepilge alynǵan tórt adam qutqaryldy.
Kıev pen Máskeý ishinara atysty toqtatý týraly kelisimge keldi
Ýkraınanyń qaýipsizdik qyzmeti bul oqıǵany «terrorıstik akt» retinde tergep jatqanyn habarlady.
«Goloseev aýdanynda kóshede jaralanǵandardyń arasynda bala da bar. Dárigerler ony aýrýhanaǵa jetkizip jatyr», dep jazdy áleýmettik jelide Kıev meri Vıtalıı Klıchko.
Polısııanyń málimetinshe, qylmysker jasyrynǵan dúkenge arnaıy jasaq shabýyl jasaǵan. Kúdikti adamdardy kepilge alyp, ustalý kezinde polısııaǵa oq atqan. Buǵan deıin onymen kelissóz júrgizýshiler baılanys ornatýǵa tyrysqan. Alaıda ol nátıje bermegen.
