Kelisim Birikken Arab Ámirlikterinde ótken kelissózder barysynda jasalǵan.
Ýkraına prezıdentiniń sózinshe, Kıev pen Máskeý qatty aıaz kezinde energetıkalyq ınfraqurylymǵa shabýyl jasamaý jóninde ýaǵdalasqan. Buǵan deıin AQSh prezıdenti Reseı prezıdenti Vladımır Pýtınnen bir aptaǵa Ýkraına aýmaǵyna soqqy berýdi toqtatý jóninde kelisim alǵanyn málimdegen bolatyn.
Kreml bul málimdemeni resmı túrde rastaǵan joq, joqqa da shyǵarmady. Alaıda reseılik áskerı tilshiler energetıkalyq bitimge qol jetkizilgenin habarlady. Zelenskııdiń aıtýynsha, kelisimniń shynymen oryndalǵan-oryndalmaǵanyn aldaǵy birneshe kúnde anyq kórýge bolady.
«Energetıkaǵa soqqy jasaýdy toqtatýǵa baǵyttalǵan kúsh-jigeri úshin Amerıkaǵa alǵys aıtamyn. AQSh bul máseleni ilgerilete alady dep úmittenemiz. Búgin keshke jáne aldaǵy kúnderi energetıkalyq nysandarymyz ben qalalarymyzdaǵy naqty jaǵdaı kelisimniń qalaı oryndalyp jatqanyn kórsetedi», dep jazdy Zelenskıı óziniń Telegram-arnasynda.
Reseı úsh jylda Ýkraına aýmaǵynyń qansha bóligin basyp aldy?
