Foto: polisia.kz
Usynylǵan ózgeristerge sáıkes, qylmystyq amnıstııa qylmystyq teris qylyqtar men aýyrlyǵy jeńil jáne ortasha qylmystarǵa qatysty qoldanylýy múmkin. Bul, negizinen, keltirilgen shyǵyn tolyq ótelgen nemese múlde zalal keltirilmegen isterge qatysty bolmaq.
Al aýyr jáne asa aýyr qylmystar boıynsha jaza merzimin qysqartý usynylyp otyr. Biraq bul jaǵdaıda da keltirilgen zalal tolyq ótelýi tıis.
«Moraldyq quqyǵymyz joq»: Depýtat mas júrgizýshilerge raqymshylyq jasaýǵa qarsy shyqty
Ákimshilik amnıstııa aıasynda da birqatar aıyppuldy keshirý qarastyrylyp otyr. Bul týraly depýtat Snejanna Imasheva málimdedi.
«Ákimshilik amnıstııa aıasynda osy zań kúshine engenge deıin oryndalmaǵan ákimshilik aıyppuldardan jeke tulǵalar, kásipkerlik sýbektileri, jeke notarıýstar, advokattar, qandas mártebesi bar azamattar jáne jalpy Qazaqstan azamattary bosatylady», dedi ol.
Sonymen qatar adam ómiri men densaýlyǵyna qaýip tóndiretin quqyqbuzýshylyqtar amnıstııaǵa ilinbeıdi. Olardyń qatarynda qyzyl shamǵa ótý, jyldamdyqty asyrý jáne mas kúıinde kólik júrgizý bar.
Kólik júrgizý quqyǵynan aıyrylǵandar raqymshylyqqa ilige me?
Al qaýipsizdik beldigin taqpaý nemese kólik júrgizý kezinde telefon qoldaný úshin salynǵan aıyppuldar amnıstııaǵa enýi múmkin.
