Foto: Ashyq derekkóz
Sondaı-aq JSO kómekshileri men taǵylymdamashylaryna qoıylatyn talaptar kúsheıtiledi. Sońǵy úsh jyl ishinde sybaılas jemqorlyqqa baılanysty quqyq buzýshylyqtar úshin jaýapkershilikke tartylǵan tulǵalar mundaı laýazymdardy atqara almaıdy.
Budan bólek, ádilet organdarynyń jeke sot oryndaýshylarynyń qyzmetin baqylaý boıynsha ókilettikteri keńeıtiledi. Aýmaqtyq ádilet organdary men JSO óńirlik palatalary sot oryndaýshylarynyń óndirip alynǵan somalardy saqtaýǵa arnalǵan arnaıy shottaryndaǵy aqsha qarajatynyń qaldyǵy men qozǵalysy týraly málimetterdi surata alady.
Zańmen sondaı-aq atqarýshylyq qujattardy basqa óńirge negizsiz berý joqqa shyǵarylady. Endi, eger boryshker basqa óńirde jumys istese nemese túzeý mekemesinde bolsa, jeke sot oryndaýshysy isti basqa oryndaýshyǵa bermeı-aq, boryshkerdiń júrgen jeri boıynsha jalaqysynan qarajatty ustap qalý týraly qaýlyny joldaı alady.
Túzetýlermen tyıym salynǵan múlikti elektrondyq saýda-sattyqta satý tártibi de jetildiriledi. Jeńimpaz tólem jasaýdan bas tartqan jaǵdaıda, satyp alý quqyǵy aldyńǵy baǵa usynysyn rastaǵan kelesi qatysýshyǵa aýysady.
Qosymsha retinde, platformalyq jumyspen qamtıtyn ınternet-platformalar men mobıldi qosymshalardyń operatorlaryn sot oryndaýshylaryna boryshkerlerdiń tabysy týraly málimetterdi berýge mindetteıtin norma engiziledi.
Eske sala keteıik, búgin Májilis Parlament depýtattary bastamashy bolǵan Salyq kodeksine ózgerister engizý týraly zań jobasyn birinshi oqylymda maquldady.
