Sammıttiń kún tártibi aıqyndaldy

Kezdesý Uıymǵa múshe memleketter basshylary keńesiniń maýsymda Astanada ótetin otyrysyna qorytyndy daıyndyq kezeńi boldy. «2016 jyldyń maýsymynan bastap Qazaqstan ShYU-ǵa tóraǵalyq etip keledi. Prezıdent Nursultan Nazarbaev ShYU-ǵa múshe memleketter basshylary keńesiniń ótken otyrysynda belgilep bergen, Uıym sheńberindegi Qazaqstan tó­raǵalyǵynyń negizgi basym­dyq­tary sizderge málim. Ol ShYU-nyń 2025 jylǵa deıingi da­mý strategııasyn iske asyrý tur­ǵysynan óńirlik qaýipsizdikti ny­ǵaıtý, ekonomıkalyq yn­ty­maq­­tastyqty damytý, tranzıt­tik-kólik áleýetin ashý, mádenı jáne gýmanıtarlyq baılanys­tar­dy tereńdetý», – dedi Q.Ábdirah­manov óz sózinde.

Otyrysta mınıstrler ShYU-ǵa jańa múshe retinde Úndistan men Pákistannyń qosylý pro­se­sin aıaqtaý máselelerin tal­qy­lady. Qatysýshylardyń piki­rin­­she, bul eki eldiń tolyqqandy mú­she etip qa­byldanýy damý men kóp­jaqty ynty­maq­tastyqtyń tú­begeıli jańa kezeńin ashyp, Uıymnyń halyqaralyq yqpaly men bedelin nyǵaıta túsedi.

Sonymen qatar, Qazaqstan tarapy Uıymnyń ekono­mı­kalyq jáne má­de­nı-gý­ma­nı­tarlyq salalaryndaǵy yntymaqtastyqty kúsheıtý qajet­ti­ligine ba­sa nazar aýdardy. Q.Ábdirahmanov ShYU-ǵa múshe mem­leketter ókilderiniń qatysýymen EKSPO-2017 sheń­b­e­rinde bir­qa­tar is-sharalar, son­daı-aq, Astanada XI bilim ap­tasy, О́ner festıvali jáne «Ja­syl ekonomıka, týrızm men sportty da­mytý» taqyrybynda ShYU Jastar forýmy ótetinin habarlady.

SIMK otyrysy barysyn­da qa­ty­sý­shylar óńirlik qaýip­siz­dikti nyǵaıtý, terrorızm men ekstremızmge qarsy is-qı­myl, esirtki trafıgine qarsy kúres jónindegi sha­ralardy, ShYU-nyń aldaǵy keńeıýi sheń­berinde yntymaqtastyqty damytý per­spektıvalaryn da talqylady.

Syrtqy saıasat vedomstvo­lar­dyń bas­shy­lary Uıymǵa mú­she memle­ketter basshyla­ry keńesiniń sha­ǵyn já­ne keńeıtilgen quramdaǵy otyrys­ta­ry kún tártibiniń jobasy týraly she­shim qabyldady. ShYU Astana deklarasııasynyń jobasy kelisildi. Son­daı-aq, Uıym sam­mıtiniń qory­tyndylary boı­yn­sha qol qoıýǵa engiziletin qujattar tiz­besiniń jobasy týraly sheshimge jáne basqa da qujattarǵa qol qoıyldy.

ShYU sammıti 2017 jylǵy 8-9 maýsymda Astanada ótedi.

Joldybaı BAZAR,

«Egemen Qazaqstan»