Máselen, taıaýda jaratylystaný-matematıkalyq baǵyttaǵy pánder boıynsha respýblıkalyq IH Prezıdenttik olımpıadasy ótkeni belgili. Onda úsh oqýshymyz - Haırýllaeva Nafısa (Kentaý qalasyndaǵy «Mamandandyrylǵan «Daryn» mektep-ınternaty») II oryn alsa, Eralhan Erjan men Tastan Nurbekter («J.Qapparov atyndaǵy №5 mamandandyrylǵan mektep-ınternaty») III orynǵa ıe boldy.
Munan bólek, bıylǵy oqý jylynda «Daryn» respýblıkalyq ǵylymı-praktıkalyq ortalyǵy Aqtaý qalasynda jalpy bilim beretin pánder boıynsha respýblıkalyq pán olımpıadalary men halyqaralyq ǵylymı zertteý saıystaryn uıymdastyrdy. Respýblıkanyń barlyq oblystarynan jáne respýblıkalyq bilim uıymdarynan 586 oqýshy qatysqan saıysta Ońtústik óńirinen 35 shákirt baq synady. Nátıjesinde, úmitkerlerimizdiń 4-ýi júldeli II oryndy alsa, 6-ýy III orynǵa ıe boldy. Atap aıtqanda, oblystaǵy №3 Kentaý qazaq-túrik er balalar lıseıi, M.Qashǵarı atyndaǵy mektep, M.Gorkıı at. jalpy orta mektep, №2 qazaq- túrik qyz balalar lıseıi jáne M.H.Dýlatı atyndaǵy úsh tilde oqytatyn №8 gımnazııa, Qazaqstannyń zııatkerlik «Báıterek» mektebi, sonymen birge, "Mamandandyrylǵan "Daryn" mektep-ınternatynyń" mereıi ústem boldy.
Osy jyly Pavlodar oblysynda ótken respýblıkalyq olımpıadada da kúngeılik shákirtterdiń baǵy men baby qatar ozdy. 700 oqýshynyń ishinde bilimin synǵa salǵan 40 ońtústikqazaqstandyq úmitkerdiń ishinen №1 qazaq-túrik er balalar lıseıiniń shákirti Toıbazar Daýlet bıologııa páni boıynsha I oryn alyp, júldeliler kóshti bastap berse, ınformatıka, matematıka, fızıka, geografııa pánderi boıynsha 7 oqýshy II orynǵa ıe boldy. Al III orynǵa 8 oqýshy laıyqty dep tanyldy.
