Májilis Tóraǵasynyń orynbasary delegasııa múshelerin kele jatqan merekemen quttyqtaı otyryp, Vetnam halqyna jańa tabystar men ıgilik tiledi. Májilis Tóraǵasy orynbasarynyń aıtýynsha, Qazaqstan atalǵan eldi Ońtústik-Shyǵys Azııadaǵy mańyzdy áriptesi dep sanaıdy. Vıse-spıker atap ótkendeı, dıplomatııalyq qarym-qatynas ornaǵan 25 jyl ishinde qos el arasyndaǵy yntymaqtastyq barlyq salada, ásirese, saıası, saýda-ekonomıkalyq baǵytta qarqyndy damyp keledi.
О́z kezeginde Hoang Bın Kýan Qazaqstan men Vetnamnyń ekijaqty qarym-qatynasynyń jańa deńgeıge kóterilgenine senim bildirdi.
Taraptar eki memleket arasyndaǵy ózara is-qımyldyń áleýeti zor ekendigine nazar aýdaryp, osy rette Eýrazııalyq ekonomıkalyq odaq elderi arasyndaǵy jáne Vetnammen erkin saýda aımaǵy týraly kelisimniń múmkindigine toqtaldy. Basym baǵyttar qatarynda aýyl sharýashylyǵy, týrızm, sondaı-aq, munaı-gaz salalaryn atap ótýge bolady. Májilis vıse-spıkeri, sonymen birge, parlamentaralyq qatynastardy tereńdetýdiń mańyzdylyǵyna toqtaldy. Bul jolda yntymaqtastyq jónindegi toptardyń ózara is-qımylynyń, zań shyǵarý qyzmetindegi tájirıbe almasýlardyń múmkindigi zor.
Kezdesý barysynda G.Isimbaeva meımandardy elimizde júrgizilgen konstıtýsııalyq reforma jaıynda tolyqqandy habardar etti.
Júzdesýge, sondaı-aq, Májilis depýtattary, «Qazaqstan-Vetnam» yntymaqtastyq jónindegi toptyń músheleri Muhtar Erman men Irına Ýnjakova qatysty.
