Bolashaqqa bastaıtyn jol
Qurmetti Nursultan Ábishuly!
«Egemen Qazaqtan» gazetinde «Bolashaqqa baǵdar – rýhanı jańǵyrý» taqyrybynda jaryq kórgen Sizdiń eńbegińiz óziniń tereń mazmuny jáne maǵynasymen bizdiń ujymdy qatty tolǵandyrdy. Álemdik qaýymdastyqta oryn alyp otyrǵan ǵalamdyq ózgerister jaǵdaıynda, elimizdiń jarqyn bolashaǵyna tikeleı baılanysty tapsyrmalar alǵa qoıylǵandyqtan, bul maqalańyzdaǵy usynystaryńyzdy tolyq ári qyzý qoldaımyz. Ulttyq sana men rýhanı jańǵyrýǵa serpin beretin Siz atap ótken birneshe baǵyt − bizdiń ult retinde álem sahnasynan laıyqty óz ornymyzdy alatynymyzǵa tolyq senemiz. «Bolashaqta ulttyń tabysty bolýy onyń tabıǵı baılyǵymen emes, adamdarynyń básekelik qabiletimen aıqyndalady» degen sózińiz bizge úlken qýat beredi. Sondyqtan, bizdiń árqaısymyz jáne ultymyz HHI ǵasyrda osyndaı qasıetterge ıe bolýymyz kerek.
Qurmetti, Nursultan Ábishuly! Sizdiń pragmatızm jáne ulttyq birlikti saqtap qalý máselesindegi súbeli oılaryńyz bizdi tereń oıǵa qaldyrdy. Osy jerde Sizdiń tikeleı bastamańyzben qurylǵan álemde teńdesi joq Qazaqstan halqy Assambleıasynyń róli joǵary turǵanyn erekshe atap ótemiz. Bul qoǵamdyq-saıası uıymnyń ómirsheń ekendigin ýaqyttyń ózi dáleldep, respýblıkamyzdaǵy ultaralyq tatýlyqty saqtaýǵa sheksiz úlesin qosyp keledi.
Sonymen qatar, Siz qoǵamdyq sanany jańǵyrtýdyń negizgi qaǵıdalaryn qalyptastyrý jóninde ult aldyna basqa da mindetterdi qoıyp otyrsyz. Olardyń ishindegi eń negizgileriniń biri − qazaq tiliniń birtindep latyn álipbıine kóshýi bolyp tabylady. Biz, munyń ýaqyt talabynan týyndap otyrǵanyn jaqsy túsinemiz. Odan basqa ulttyq ekonomıkanyń órleýiniń basty ózegi zamanaýı ǵylym qaýymdastyǵynyń jańalyqtaryn jas urpaqqa berý bolyp tabylady. Osyǵan baılanysty, Sizdiń usynysyńyzben «Jańa gýmanıtarlyq bilim. Qazaq tilindegi 100 jańa oqýlyq» jobasy qolǵa alynyp otyr. Osynyń bári tarıh, saıasattaný, áleýmettaný jáne t.b. ǵylymdar tóńireginde jastarymyzǵa tolyqqandy bilim alýǵa kómektesetinine kámil senemiz.
Sizdiń ıdeıańyz − bolashaqqa jol bastaý! Onyń barlyq mindetterin oryndaý ulttyń rýhanı jańǵyryp kemeldenýine sózsiz jeteleıdi.
A.Tshanov,
Respýblıkalyq sport kolledji RMQK dırektory
Talapty adam jetistikke jetedi
Qurmetti Nursultan Ábishuly!
Eń aldymen Sizge, súıikti sportpen aınalysýǵa, kásibı órkendeýge jáne joǵary jetistikterge qol jetkizýge berilgen múmkindikterińizge úlken alǵysymdy bildirgim keledi.
«Bolashaqqa baǵdar: rýhanı jańǵyrý» baǵdarlamalyq maqalańyzǵa qatysty, bizdiń elimizdiń damýy men ony álemdegi 30 damyǵan eldiń qataryna qosýǵa baǵyttalǵan Sizdiń barlyq bastamalaryńyzdy qoldaıtyndyǵymdy atap ótkim keledi.
Eldiń jáne ulttyń rýhanı damýy – barlyǵymyzdyń aldymyzda turǵan úlken mindetterdiń biri. Jeke adamdardyń emes, barlyq halyqtyń básekege qabilettiligin joǵarylatý arqyly aıtarlyqtaı jetistikterge qol jetkizýge bolady, sondaı-aq, bul baǵytta da aýqymdy jumys atqarylýda.
Ynta, tabandylyq jáne maqsatqa talpynýshylyq bildirgen ár adam joǵary jetistikterge jete alady. Sonymen qatar, aldaǵy ýaqytta josparlanǵan barlyq jumystar oıdaǵydaı iske asyrylatynyna senimdimin.
Dınara Sádýaqasova,
shahmattan Álem chempıony, Halyqaralyq grossmeıster
